Akunndanfuɛ'n 10:6 - NYANMIƐN NDƐ'N 1998

⁶ Sran nga be ti-man sran ndɛnmansu'n be nyan sa su dan, sanngɛ sran nanndoliɛfuɛ'm be liɛ'n, junman nga be lɛ-man nyrun'n yɛ be di i lele be fa wu-ɔ.

Akunndanfuɛ'n 10:6 ပူးပေါင်းရင်းမြစ်များ

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ɛstɛr 3:5

Kɛ Aman wun kɛ Mardose koto-mɛn i bo'n, ɔ yoli i ya lele trali su.

Jue Mun 12:8

Klunwifuɛ'm be ongo-ongo bé wun yɛ be kpɛ sin-ɔn. Kɛ sran wie'm be yo sa tɛ'n, be nga be bu-man Nyanmiɛn nin i nuan ndɛ'n be like fi'n, ɔ yo be wie'm be fɛ. Anannganman, a ´nian e su, a ´sasa e titi sran sɔ'm be lika.

Nyanndra Mun 19:10

Kɛ sinnglinfuɛ kun `di wlengbi'n, ɔ nin i sɔ'n fata-man. Kɛ kanga ba kun yɛ ɔ `sie wlengbi mun'n, ɔ nin i sɔ'n fata-man.

Nyanndra Mun 28:12

Sɛ klun-ufuefuɛ mun yɛ be sie klɔ'n, kɔmin nga be nyɛn i'n ɔ ti sran kwlaa liɛ. Sanngɛ sɛ klunwifuɛ mun yɛ be o lɛ'n, sran'm be fia.

Nyanndra Mun 28:28

Kɛ klunwifuɛ'm be ko fa lika'n, sran'm be wanndi fiafia. Kɛ klunwifuɛ'm be blɛ liɛ ko sin'n, yɛ sran'm be wa wun i kɛ kannzu klun-ufuefuɛ'm be sɔnnin-ɔn.

Nyanndra Mun 29:2

Kɛ sran kpa'm be sɔn'n, ɔ ti sran'm be cenjele like. Kɛ klunwifuɛ'n yɛ ɔ kwla'n, sran'm be koko.

Akunndanfuɛ'n 10:5

Sa tɛ kun wo lɛ bɔ n wunnin i nyanmiɛn'n bo wa, yɛlɛ sran nga be sie mɛn'n bɔ sa tɛ'n fu be nun kpɛkuun b'a yo'n.