Akunndanfuɛ'n 10:20 - NYANMIƐN NDƐ'N 1998

²⁰ Nán kan famiɛn'n i wun ndɛ tɛ, nán bu i wun akunndan tɛ mlɔnmlɔn. Kɛ a o ɔ sua ba'n nun lɔ'n, nán kan anyanbeunfuɛ'n i wun ndɛ tɛ. Afin anunman ng'ɔ tu sin'n, ɔ kwla ko kan ɔ ndɛ nga a kannin'n, yɛ ndɛ sɔ'n ɔ ´tru .

Akunndanfuɛ'n 10:20 ပူးပေါင်းရင်းမြစ်များ

2 Famiɛn Mun 6:12

I sonja su kpɛn'n kun waan: «Nannan, i sɔ sran nun-man ye afiɛn wa. Elize b'ɔ ti Nyanmiɛn i nuan ijɔfuɛ'n b'ɔ o Izraɛl'n yɛ ɔ yo i sɔ sa nin-ɔn. Ndɛ kwlaa nga a kɛn i ɔ́ sua ba'n nun lɔ kan a la lɔ'n, ɔ kan kle Izraɛl famiɛn'n.»

Ɛstɛr 2:22

Kpɛkuun Mardose ɔ'a ti, yɛ ɔ kan kleli famiɛn i yi Ɛstɛr nan Ɛstɛr kusu ɔ'a kan kle famiɛn'n ɔ'a man Mardose.

Ezipt Lɔ Tulɛ'n 22:27

Nán amun kpɛ min bɔ n ti amún Nyanmiɛn'n min nzowa. Nán amun bo amun nvle'n i su kpɛnngbɛn'n i sannzan.

Ezipt Lɔ Tulɛ'n 22:28

Amun fie'm be su ninnge be mma klikli'n, ɔ nin amun vinyi mma klikli'n, amun `fa blɛ min ndɛndɛ, nán man ɔ cɛ. Amun `fa amún wa yasua klikli mun be wla min sa nun.

Ezipt Lɔ Tulɛ'n 8:3

Ezipt lɔ atrɛ yifuɛ'm be fali be tinmin'n be yili atrɛ kunngba sɔ'n wie. Be yoli man klɛ'm be fiteli Ezipt mɛn'n i lika'n kwlaa.

Ezai 8:21

Kɛ be ´sin mɛn nun'n, afɛ'n ɔ'a ti be, yɛ awe'n ɔ'a kun be kpo. Sɛ awe kun be'n, be ´fa ya be ´kpɛ be famiɛn'n nin be Nyanmiɛn'n be nzowa. Be ´man be nyin'n su be ´nian nglo lɔ.

JÉSUS-CHRIST I DYASIN FE'N BO LUC KLELI'N 10:40

Sanngɛ Mart nyin ti blowa be lika nianlɛ'n ti. Ɔ bali e Min'n i wun lɛ, ɔ seli i kɛ: «?Kɛ min niaan'n yaci like'n kwlaa min sa nun'n, ɔ yo-man ɔ ya? Se i man ɔ uka min.»

JÉSUS-CHRIST I DYASIN FE'N BO LUC KLELI'N 19:40

Yɛ ɔ seli be kɛ: «Sɛ be muan bé nuan'n, yɛbuɛ'm be ´kpan .»

Sa nga bé yôli'n 23:5

Yɛ Pɔl seli kɛ: «N niaan mun, n si-man kɛ Nyanmiɛn nyrun jranfuɛ'm be su kpɛn nin-ɔn, afin be klɛli kɛ: ‹Nán fa Nyanmiɛn wua sran ng'ɔ sie ɔ nvle'n .› »