Akunndanfuɛ'n 10:19 - NYANMIƐN NDƐ'N 1998

¹⁹ Sran'm be tɔn like kaka be fa di cɛn su, kɛ be ´nɔn nzan'n, bé wun kpaja be. Sika'n kusu yɛ be fa yo be wun sa'n kwlakwla-a.

Akunndanfuɛ'n 10:19 ပူးပေါင်းရင်းမြစ်များ

Bo Bolɛ 43:34

Zozɛf man be fɛli i tabli'n su ninnge'n wie mannin be. Bɛnzamɛn liɛ ng'ɔ kpɛ mɛnnin i'n, i dan tra be kwlaa be liɛ'n kpɛ nnun. Be nin i be nɔnnin nzan lele ɔ tili be.

2 Samiɛl 13:28

Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»

1 Be Nyoliɛ 21:24

Sanngɛ famiɛn David seli Ɔrnan kɛ: «Nán man ɔ yo sɔ, man n to, man n to i gua'n su, afin kɛ n ´yi sraka kun m ´man Anannganman'n, bɔ ɔ́ sa nun ninnge ngunmin yɛ n fa yi'n kpɛkuun m bɔbɔ n sa nun like fite-man nun'n, ɔ nin i sɔ'n fata-man.»

Ɛsdras 1:6

Be tranfuɛ'm be kwlaa be ukali be. Be mannin be jɛtɛ ufue, nin sika ɔkwlɛ ninnge mun, nin ninnge uflɛ mun, nin ninnge uflɛ b'ɔ be ti kpakpa mun ekun, ɔ nin nnɛn mun. Be mannin be be klun klo ninnge mun ekun.

Neemi 5:8

Kɛ e yiali'n, n seli be kɛ: «?Kɛ ɔ o yɛ'n, sɛ amun bo amun niaan'm be bosia'n, bɔ be wa yi'n, amun yo man be su i bo? Amun `nian, e niaan Zuif nga be yoli bé wun atɛ aofuɛ'm bé sa nun'n, e miannin e nyin nan e bɔbɔ y'a kpɔ bé ti. ?Yɛ amun bɔbɔ yɛ amun yo amun bɔbɔ amun niaan'm be atɛ e ngunmin-ngunmin é sa nun-ɔn?» Be gua lɛ be wun-man kun kan-man.

Ɛstɛr 1:10

Be dili cɛn sɔ'n lele le nsiɛn. I le nso su'n, famiɛn'n nɔnnin nzan ɔ tili i kpa. I klun b'ɔ jɔli'n ti, ɔ flɛli i sran kaklaakla nso nga be niɛn i yi'm be su'n kɛ be bla. Be dunman mun yɛ: Mɛiman, Bizta, Arbɔna, Bigta, Abagta, Zetar, ɔ nin Karkas.

Jue Mun 104:15

Wɔ man be nyan nzan b'ɔ man bé wun nyrɛn be nin-ɔn. A man be nyanngo b'ɔ man be nyrun'n yo mlanmlan nin-ɔn, ɔ nin aliɛ bɔ be fa tra be anwlɛn nin-ɔn.

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Akunndanfuɛ'n 2:3

N seli n klun lɔ kɛ n ´fa mín wun n ´wlɛ i nzan nɔnlɛ nun nan n ´yo sinnzin ninnge'm be kwlaa, sanngɛ min waan n ´yo i akunndan su. Min waan n ´yo sɔ nan n ´wun like ng'ɔ nin klɔ sran i yolɛ fata blɛ'n kwlaa'n ng'ɔ ´di i nyanmiɛn'n bo wa'n.

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Ezai 23:18

Sanngɛ like ng'ɔ ´nyɛn i'n nin sika ng'ɔ ´nyɛn i'n, be ´yo Anannganman liɛ klonglo. Be su tiantian-man bé nuan, be su sie-man be lɛ. Sanngɛ be ´fa man be nga be tran Anannganman nyrun lɛ'n kɛ be `fa wie ta bé wun, yɛ be `fa kpa tralɛ nglanman-nglanman mun be `wla.

Ezai 24:11

Be kpankpan klɔ'n nun atin'm be nun sin yɛlɛ kɛ nzan nun-man lɛ kun. Aklunjuɛ'n kwlaa ɔ'a wie weiin. Sran fi wun kpɛjɛ-mɛn i kun mɛn ng'ɔ o yɛ'n nun.

Matthieu 17:27

Sanngɛ kɛ e klo-man kɛ e ti sran'm bé ti nun saci'n, kɔ jenvie'n su lɔ, ko to kowa. Jue ng'ɔ dun mmua sɔ nun'n, yi. Kɛ a ´trɛ i nuan nun'n, a ´wun sika b'ɔ ju min nin wɔ é ti. Fa ko man be.»

Matthieu 19:21

Yɛ Jésus waan: «Sɛ a klo kɛ a ´wie i ngba su fa weiin'n, ko yo ɔ ninnge'm be atɛ, fɛ i sika'n man yalɛfuɛ mun, yɛ a ´nyan ninnge kpakpa nyanmiɛn su lɔ. Nan bla wa su min su.»

JÉSUS-CHRIST I DYASIN FE'N BO LUC KLELI'N 12:19

Kɛ ɔ ko yo sɔ'n, n ´tran ase, n ´de wunmiɛn, n ´di n klun like, afin ninnge ng'ɔ o yɛ'n, n ´di lele ɔ su wie-man. N klun a jɔ siɛn'n.›

JÉSUS-CHRIST I DYASIN FE'N BO LUC KLELI'N 16:9

I sɔ'n ti, amun kusu an `fa amun sika b'ɔ man ndɛ sran'm be di-man nanwlɛ'n, an `fa tra sran'm be janvuɛ nan cɛn nga amún sa nun wie'n, b'a sɔ amun nun anannganman tranwlɛ'n nun lɔ.

JÉSUS-CHRIST I DYASIN FE'N BO LUC KLELI'N 8:3

nin Kiza b'ɔ nian Erɔd i ninnge'm be su i yi Zani, yɛ Sizani, yɛ bla wie mun ekun. Bla sɔ'm be bɔbɔ yɛ be fa be sa nun like yɛ be fa nian be lika-a.

Sa nga bé yôli'n 11:29

Jésus sɔnnzɔnfuɛ'm be kwlaa be bo yoli kun kɛ sran'm be kwlakwla be fa like nga bé sa ju su'n be ko man aniaan nga be o Zide lɔ'n man be fa ti bé wun nyanman nun.

Sa nga bé yôli'n 2:45

Be yo be asiɛ mun nin bé bo ninnge'm be atɛ yɛ be fɛ i sika'n cɛ be kwlakwlakwla kɛ ɔ ´yo nan b'a fa ti bé wun nyanman nun'n ti.

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Jɔlɛ Difuɛ Mun 14:10

Samsɔn si'n ɔ ɔli i sia'm be klɔ lɔ nan Samsɔn man b'a tɔn like b'a fa di cɛn su. Ɔ ti gbanflɛn'm be nzuɛn, kɛ be yo i sɔ-ɔ.

Jɔlɛ Difuɛ Mun 9:13

Vinyi waka'n seli be kɛ: ‹?N `yaci min nzan b'ɔ man amuɛn mun nin sran'm be klun jɔ nan n `ko wlan-wlan waka'm bé su?›

1 Samiɛl 25:36

Kɛ Abigail ´sɛ i sin Nabal wun lɔ'n, wuun cɛn nga be su di i awlo nun'n ɔ ti kɛ famiɛn wie yɛ ɔ su di cɛn sa. Nabal klun ti jɔwa dan, ɔ'a nɔn nzan'n lele ɔ'a tratra su, ɔ'a bo i. Ɔ man Abigail ɔ'a kan-man ndɛ fi ɔ'a kle-mɛn i lele san aliɛ'n cɛnnin.