Akunndanfuɛ'n 10:17 - NYANMIƐN NDƐ'N 1998

¹⁷ Mɛn nga bɔ i su famiɛn'n ɔ ti wlengbi ba'n, bɔ famiɛn i awlo lɔ sran dandan'm be ti-man aliɛ safuɛ nin nzanboɛfuɛ'n, mɛn sɔ'n i liɛ su ti ye. Be liɛ'n, like nga be ko di nan b'a nyan wunmiɛn'n yɛ be di-ɔ.

Akunndanfuɛ'n 10:17 ပူးပေါင်းရင်းမြစ်များ

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Zeremi 30:21

Be nvle'n nunfuɛ kun yɛ ɔ ´yo be kpɛnngbɛn-ɔn. Be nvle'n nunfuɛ kun yɛ ɔ ´yo be siefuɛ-ɔ. N ´yo man Zakɔb ´fɛ i wun mantan min ɔ ´ba min wun. ?Afin kɛ wan sa yɛ i bɔbɔ kwla si i wue nun kɛ ɔ ´fɛ i wun mantan min-ɔn?» Anannganman'n yɛ ɔ usa sɔ-ɔ.

Mmla'n 14:26

Sɛ amun ju lɔ'n, like kwlaa nga amun waan amun ´to'n amun su to. Amun `to nannin mun, nin bua mun, nin nzan, ɔ nin nzan kekleekle mun. Yɛ amun nin amun osufuɛ mun amun `fa ninnge sɔ mun `di cɛn Anannganman amun Nyanmiɛn'n i nyrun lɛ.