Akunndanfuɛ'n 10:16 - NYANMIƐN NDƐ'N 1998

¹⁶ Mɛn nga i su famiɛn'n ɔ ti mantuan kan'n, i sɔ mɛn liɛ'n wo afɛ nun, afin famiɛn i awlo lɔ sran dandan sɔ mun'n, aliɛ ndɛ fuɛ'n yɛ ɔ ti be cinnjin-ɔn.

Akunndanfuɛ'n 10:16 ပူးပေါင်းရင်းမြစ်များ

1 Famiɛn Mun 12:11

Mín si sieli amun kɔmin'n su waka nɔnnin-nɔnnin. N waka liɛ'n nga n ´fa sie amun kɔmin'n su'n, ɔ ´yo nɔnnin ´trɛ i liɛ'n. Mín si fali ngble yɛ ɔ fa boli amun-ɔn. N liɛ'n, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.› »

2 Be Nyoliɛ 13:7

Finfinfuɛ wie mun bɔ be yo-man sa fi ye'n, be jrɛnnin i sin, yɛ bé ta'n tinnin Salomɔn wa Rɔbɔam su. Kɛ b'ɔ tɛ yo gbanflɛn kan b'ɔ nian si-man sa'n ti, ɔ'a kwla jran-man be nyrun.

2 Be Nyoliɛ 36:11

Kɛ Sedesias ´yo famiɛn'n, wuun ɔ lɛ afuɛ ablaɔn-nin-kun. Ɔ dili famiɛn Zerizalɛm lɔ afuɛ blu-nin-kun.

2 Be Nyoliɛ 36:2

Kɛ Zɔakaz ´yo famiɛn'n, wuun ɔ lɛ afuɛ ablaɔn nin nsan. Ɔ dili anglo nsan Zerizalɛm lɛ.

2 Be Nyoliɛ 36:5

Kɛ Zozakim ´yo famiɛn'n, wuun ɔ lɛ afuɛ ablaɔn nin nnun. Ɔ trannin Zerizalɛm lɛ afuɛ blu-nin-kun. Ɔ yoli sa nga be yo-man Anannganman i Nyanmiɛn'n i fɛ'n.

2 Be Nyoliɛ 36:9

Kɛ Zozakin ´yo famiɛn'n, wuun ɔ lɛ afuɛ mɔcuɛ. Ɔ trannin Zerizalɛm lɛ anglo nsan nin cɛn ba blu. Ɔ yoli sa nga be yo-man Anannganman fɛ'n.

Nyanndra Mun 28:16

Mɛn siefuɛ kun b'ɔ si-man ngwlɛlɛ'n, i bo mma'm be mian-mianlɛ sa cɛ yɛ ɔ mian-mian be titi-ɔ. Nga kusu b'ɔ sro ndrunmun dilɛ'n, ɔ ´cɛ kpɛn dilɛ'n nun.

Akunndanfuɛ'n 10:15

Sinnglinfuɛ'n i junman'n ɔ mɛn i afɛ ngbɛn, yɛlɛ kɛ ɔ si-man be klɔ dan'n i su atin nan ɔ'a ɔ lɔ.

Ezai 3:12

Ba kanngan mun yɛ be yo min sran'm be tɛtɛ-ɔ, bla mun yɛ be sie be-ɔ. Min sran mun, amun nyrun dunfuɛ'm be mlinnin amun. Be kata atin nga amun sin nun'n.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.