Akunndanfuɛ'n 10:10 - NYANMIƐN NDƐ'N 1998

¹⁰ Sran nga ɔ'a si-man i kpɛliɛ ba'n, ɔ ´fa fanngan dan nan ɔ'a kwla fa di junman. Sɛ be fa ngwlɛlɛ'n yo like'n, ɔ fite muae su.

Akunndanfuɛ'n 10:10 ပူးပေါင်းရင်းမြစ်များ

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

1 Be Nyoliɛ 12:32

Manase akpasua bue kun'n nun'n sran'm be ti akpi-akpi blu-nin-mɔcuɛ (18.000). Be kpali be wafa ngunmin kɛ be ko sie David famiɛn.

Akunndanfuɛ'n 10:11

?Ɔ waan a si wuo nun ngowa kan, sanngɛ kpɛkuun ɔ'a dun mmua ɔ'a ka wɔ, kɛ ɔ o lɛ'n be kwla yi wɔ ayɛ ekun?

Akunndanfuɛ'n 10:15

Sinnglinfuɛ'n i junman'n ɔ mɛn i afɛ ngbɛn, yɛlɛ kɛ ɔ si-man be klɔ dan'n i su atin nan ɔ'a ɔ lɔ.

Akunndanfuɛ'n 10:9

Sran ng'ɔ yi yɛbuɛ'n, yɛbuɛ kwla yo i like. Sran ng'ɔ kpaci yie'n, like kwla yo i.

Akunndanfuɛ'n 2:13

N wunnin kɛ ngwlɛlɛ silɛ'n ti kpa tra sinnzin yolɛ'n, kɛ lika ng'ɔ kpaja ti kpa tra aosin'n sa.

Akunndanfuɛ'n 9:18

Ngwlɛlɛ'n i kpa liɛ'n, alɛ ninnge'm be to-mɛn i. Sa tɛ yofuɛ kunngba cɛ kwla saci like kpanngban.

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Rɔmfuɛ Mun 16:19

Sran'm be kwlaa be se kɛ an ti anyinyiɛfuɛ. Kɛ an yo sɔ'n, ɔ jɔ n klun, sanngɛ n klo kɛ an yo ngwlɛlɛfuɛ bɔ be yo sa sa kpa, n klo-man kɛ sa tɛ bɔ kaan sa tran amun wun.

1 Korɛntfuɛ Mun 14:20

Aniaan mun, nán an bu akunndan kɛ bakan sa, an `bu kpɛnngbɛn akunndan, sanngɛ an `yo kɛ ba nɔnman b'ɔ si-man gblɛ kpɛ'n sa.

Mmla'n 32:41

N wa si min kue'n, n ´fa tu min kpɔfuɛ'm be fɔ. N wa tu min klunngbɔ bé su, like nga be yoli min'n, n wa yi m ´man be.

Kolɔsfuɛ Mun 4:5

Like nga an yo man be bɔ be ti-man Kristfuɛ'n, an `fa ngwlɛlɛ yo. Kɛ amu'an nyan amun ti'n, nán an tran lɛ ngbɛn, an `yo like ng'ɔ yo sa ye'n.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.