Akunndanfuɛ'n 1:18 - NYANMIƐN NDƐ'N 1998

¹⁸ Afin ɔ sran nga a ti akunndanfuɛ dan'n, wɔ awlaboɛ'n yo dan, yɛ ɔ sran nga ɔ́ silɛ'n cɛnnin'n, ɔ́ nyrun yɛ a wun i-ɔ.

Akunndanfuɛ'n 1:18 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Akunndanfuɛ'n 2:15

Yɛ n seli n klun kɛ: «?Sɛ awieliɛ kunngba ng'ɔ ´wie sinnglinfuɛ'n yɛ ɔ ´wie min wie'n, wuun min ngwlɛlɛ dan nga n si trɛli i'n ɔ yo nzu yɛ ɔ man min-ɔn?» Yɛ n seli min klun lɔ kɛ: «Sa sɔ'n tra sran i akunndan'n su, yɛ i kwlaa ti afɛ ngbɛn.»

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 7:16

Nán bu ɔ wun sran kpa yɛ nán bu ɔ́ wun ngwlɛlɛfuɛ. Sɛ a yo sɔ-ɔ a ´wu ndɛ kpa'n.