Akunndanfuɛ'n 1:15 - NYANMIƐN NDƐ'N 1998

¹⁵ Afin like bɔ ɔ'a bli'n, be kwla tinngɛ-mɛn i kun, yɛ like ng'ɔ nun-man lɛ'n, be kwla ka-man.

Akunndanfuɛ'n 1:15 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:6

wuun ɔ ´yi i ngwlɛlɛ b'ɔ ti fiawa'n i nglo ´kle wɔ, kpɛkuun a ´wun kɛ i ngwlɛlɛ'n ɔ tra e liɛ'n su fuun! Yɛ a ´wun kɛ fɔ ng'ɔ tu wɔ'n, ɔ ju-man sa tɛ nga a yo be'm be nun.

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Akunndanfuɛ'n 3:14

N wunnin i wlɛ ekun kɛ Nyanmiɛn i sa ti like liɛ ng'ɔ yo'n, ɔ lɛ-man awieliɛ, ɔ ti anannganman. Be kwla uka-man su, be kwla kpɛ-man su. Sa ti bɔ Nyanmiɛn yo sɔ'n yɛlɛ kɛ ɔ klo kɛ sran'm bé nyin yi i .

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Ezai 40:4

Man be tannintannin kongo'n kwlaa! Man be tutu oka nin kpɔlɛ'm be ngba! Man be trutru lika kolokolo'm be nun nan be ´yo kpɛkplɛkpɛ. Man be trɛ lika fii'm be nun nan be ´yo gbaun.

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Ngwlɛ Yilɛ 3:37

?Wan yɛ kɛ ɔ uke i nuan'n kpɛkuun nga i waan ɔ `ju'n ɔ'a ka lɛ ɔ'a ju nin-ɔn ? ?Nán Anannganman-an?

Matthieu 6:27

?Amun nun onin yɛ i kokolɛ nun ɔ kwla guɛ i afuɛ'n su bɔ kan-an ?