Akunndanfuɛ'n 1:13 - NYANMIƐN NDƐ'N 1998

¹³ M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 1:13 ပူးပေါင်းရင်းမြစ်များ

Bo Bolɛ 3:19

Nvufle ´tu wɔ kpa nan w'a nyan ɔ́ nuan nun aliɛ w'a di. Ɔ ´yo sɔ lele nan w'a fa sa ɔ sin a kaci fa ekun, afin fa yɛ n fa yili wɔ-ɔ. A ti fa yɛ a wa sa ɔ sin a ´kaci fa ekun.»

Zɔb I Nyrɛnnɛn Wunlɛ 28:3

Sran'm be fa kannin'n be jra kunman'n nun, kpɛkuun aosin'n ɔ'a ɔ. Be sanngan-sanngan lika'n nun lele be kpɛn i tiwa. Be nian-nian yɛbuɛ nga be fia lika tuun kpa nun'n.

Jue Mun 111:2

Sa nga Anannganman yo be'n be ti dandan. Be b'ɔ jɔ be klun'n, be kunndɛ sa sɔ mun tititi.

Nyanndra Mun 18:1

Sran nga bɔ i bɔbɔ i wun akunndan yɛ ɔ bu'n, ɔ fɛ-mɛn i wun mantan-man sran. Sɛ be se kɛ be ´ukɛ i nan ɔ yo like wie'n, ɔ yo-mɛn i fɛ.

Nyanndra Mun 18:15

Sran ng'ɔ si ngwlɛlɛ'n, ɔ kunndɛ kɛ ɔ ´si sa. Sran ng'ɔ si akunndan'n, akunndan nun ndɛ yɛ ɔ kunndɛ kɛ ɔ ´ti-ɔ.

Nyanndra Mun 23:26

Mín wa, fa ɔ́ wla'n gua min su. Min atin liɛ nga n fali su'n, fa su wie klanman.

Nyanndra Mun 25:2

Sa nga ti bɔ Nyanmiɛn lɛ nyrun'n, yɛlɛ kɛ klɔ sran'n wun-mɛn i sa'm be ngba be bo. Famiɛn'm be kusu sa nga ti bɔ be nin manmanlɛ fata'n, yɛlɛ kɛ be yi bé sa nga be yo'n be nglo.

Nyanndra Mun 4:7

Akunndan'n i bo bowlɛ'n yɛ. Tu ɔ́ nyin wɔ akunndan'n. Like kwlaa ng'ɔ o ɔ́ sa nun'n, fa kpɛ ngwlɛlɛ'n i wun atin.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 11:5

Kɛ bɔ a si-man wafa nga aunngban'n fa fita'n, nin wafa nga ba kan kun ɔ fa trɛn i nin klun lɔ'n b'ɔ nyin'n, i kunngba nin-ɔn, a si-man wafa nga Nyanmiɛn b'ɔ yo sa kwlaa'n ɔ fa di i junman'n.

Akunndanfuɛ'n 12:12

Mín wa, nian ɔ́ wun kpa nán kpɛ wie gua su. Sɛ be waan be klɛ mɛn'n nun ndɛ'm bé wun fluwa kpanngban kpa bɔbɔ-ɔ, be su wie-man be klɛ le. Yɛ kusu like suanlɛ ngboko'n, ɔ man be wunnɛn'n i afɛ.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 3:10

M buli junman nga Nyanmiɛn fa mannin klɔ sran'm be kɛ be di'n i akunndan n niannin.

Akunndanfuɛ'n 3:11

Sa kun ng'ɔ o sa'n, sɛ i blɛ ko ju'n, Nyanmiɛn nian su yo i sɛsɛsɛ. Nyanmiɛn bɔbɔ yɛ man e si like ng'ɔ lɛ-man bo bolɛ nin awieliɛ nin-ɔn. Sanngɛ sa nga Nyanmiɛn yo'n, kɛ ɔ fin i bo bolɛ'n nun lele b'ɔ ´fa ju i awieliɛ'n, sran si-mɛn i bo.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 8:9

M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.

1 Timote 4:15

Mian ɔ́ nyin yo ninnge sɔ mun, man be yolɛ'n lo wɔ kpa nan sran'n kwlaa be `wun kɛ a su yo kpa tra laa'n.