9 Anannganman kan ndɛ kleli Teman klɔ'n. Ɔ seli kɛ: «Ɔ sonja'm be su wun-man sa fi yowlɛ. Ezau mɛn'n nun sonja'm be kwlaa be ´wie wu, be nun kun sa su ka-man lɛ.»
Zɔb i janvuɛ nsan be tili nyrɛnnɛn ng'ɔ tɔli i su'n i kwlaa, yɛ be fin be mɛn'm be nun lɔ be bali-ɔ. I janvuɛ sɔ mun yɛlɛ Elifaz b'ɔ fin Teman'n, yɛ Bildad b'ɔ fin Siak'n, yɛ Zɔfar b'ɔ fin Naama'n. Bé bo yoli kun kɛ be wa koko Zɔb nan be ´fɔnvɔ i.
Edɔm wun akunndan nga Anannganman ɔ'a fa'n, an `tie. Temanfuɛ'm be wun gugulɛ nga ɔ'a gugu'n, an `tie. Ɔ ti nanwlɛ weiin, be ´fa be kɔ kɛ bua mun sa, ba kun sa su ka-man lɛ. Ɔ ti nanwlɛ weiin, be ´saci be tranwlɛ'n mlɔnmlɔn.
Like'n ɔ'a trɛtrɛ i ndɛwa'n nun kɛ anunman nyin sa ɔ su tu sin Bɔzra lika'n su. I le kun sɔ nun'n, Edɔm lɔ sonja'm be nun kpakpa'm be anwlɛn'n ɔ ´si kpukpukpu kɛ wunnzɛfuɛ wie bɔ i klun su yo i ya'n sa.»
I sɔ'n ti'n, Anannganman Nyanmiɛn wan yoo: N ´yi min kwlalɛ bɔ n kwla'n i nglo yɛ e nin Edɔm e ´nyɛn i. N ´nunnun sran nin nnɛn nga be o mɛn sɔ nun'n. Kɛ ɔ fɛ i Teman klɔ'n su lele b'ɔ ´fa ju Dɛdan klɔ'n su'n, n ´yo man lɛ lika'n ɔ kaci aawlɛ flɛnnɛn. Alɛ ´di i nun sran mun.
Sɛ awiefuɛ mun, wie kusu-ɔ sɛ be nga be fɛn sran'm bé wun ninnge'n be wa fu wɔ nun kɔnguɛ'n, ninnge nga be kwla fa kɔ'n yɛ be ´fa-a. Kɛ be ko fɛ i sɔ'n, wuun b'a di wɔ yalɛ mlɔnmlɔnmlɔn. Nzan yifuɛ'm be kusu, sɛ be kɔ ɔ vinyi fie nun'n, san vinyi mma kpatrɛ wie mun sa yɛ be ´yaci be lɛ-ɔ.
Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.
Nán amun se kɛ amun nin be ´kun alɛ. Afin n su fa-man be mɛn'n i lika fi man-man amun, n su man-man amun lika bɔ kaan sa bɔ amun taka be ja su-ɔ. Seir oka'n ti Ezau liɛ, n fa mɛnnin i.