Abdias 1:7 - NYANMIƐN NDƐ'N 1998

⁷ Be nga amun nin bé bo ti kun laa bɔ amun kun alɛ'n, b'a kankan amún bo mɛn'n nun b'a fite. Amun janvuɛ'm b'a laka amun b'a kwla amun. Be nga amun nin be wla asa'n, b'a sua amún wun aya. Kpɛkuun nga be kɛn i siɛn'n yɛlɛ kɛ: ‹Nga'm be wun-man sa wlɛ kun.›

Abdias 1:7 ပူးပေါင်းရင်းမြစ်များ

Jue Mun 41:10

Min janvuɛ kpa bɔbɔ nga e nin i e ti koko nnya nun-ɔn ɔ ti-man, bɔ n fa min wla'n n guɛ i su'n, bɔ e nin i e wla asa'n, ɔ'a kaci min kpɔfuɛ .

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 38:22

‹Bla nga be ka Zida famiɛn'n i awlo nun'n, be ´fa be kwlaa be ko man Babilɔni famiɛn'n i awlo lɔ sran dandan mun. Kpɛkuun bla sɔ'm be wa se wɔ kɛ yoo: Be nga be kannin fɔundi ndɛ kleli wɔ'n, be sili wɔ laka o, nja. Be nyannin wɔ. Be lakali wɔ lele bɔ be ´nian-an a wun-man ɔ wun fɛ'n, kpɛkuun b'a yi bé ja.

Zeremi 4:30

?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Ngwlɛ Yilɛ 1:19

N flɛli be nga laa be klo min'n lele ngbɛn. B'a yi min ase. Min Nyanmiɛn nyrun jranfuɛ mun nin min afɔtuɛ manfuɛ mun bɔ be ´kunndɛ aliɛ be ´di nan b'a nyan wunmiɛn kan'n, be wuli klɔ nun.

Ndɛ Nga Nyanmiɛn I Nuan Ijɔfuɛ Oze Kannin'n 13:13

Nyrɛnnɛn b'ɔ ti kɛ wunnzɛfuɛ bɔ ɔ'a koto awuliɛ'n i aklunya sa'n, ´tɔ i su'n. Ɔ ´yo kɛ wunnzɛfuɛ wie bɔ sɛ i ba wulɛ ju-ɔ, ba'n i sinnzin ti ɔ kle i yalɛ bɔ nán balɛ yɛ ɔ kɔ ba'n sa.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»