Abdias 1:5 - NYANMIƐN NDƐ'N 1998

⁵ Sɛ awiefuɛ mun, wie kusu-ɔ sɛ be nga be fɛn sran'm bé wun ninnge'n be wa fu wɔ nun kɔnguɛ'n, ninnge nga be kwla fa kɔ'n yɛ be ´fa-a. Kɛ be ko fɛ i sɔ'n, wuun b'a di wɔ yalɛ mlɔnmlɔnmlɔn. Nzan yifuɛ'm be kusu, sɛ be kɔ ɔ vinyi fie nun'n, san vinyi mma kpatrɛ wie mun sa yɛ be ´yaci be lɛ-ɔ.

Abdias 1:5 ပူးပေါင်းရင်းမြစ်များ

2 Samiɛl 1:19

Izraɛlfuɛ mun, amun safunyrɛn mun yɛ b'a kun be oka'm be su yɛ. ?Ɔ yo sɛ yɛ man alɛ kunfuɛ kpakpa'm be tɔ sa-a?

Ezai 14:12

Ai! ?Nan nzu sa yɛlɛ nga? ?Nja, wɔ bɔ a ti kɛ awɛ nzraama b'ɔ kpaja nglɛmun'n sa'n, kɛ ɔ o yɛ'n w'a fin nyanmiɛn su lɔ w'a tɔ? ?Wɔ bɔ a sie nvle-nvle mun'n, bɔ a tin be su kplɔlɔlɔ'n, kɛ ɔ o yɛ'n, b'a su ɔ bo b'a yi i asiɛ'n su wa ?

Ezai 17:6

Ble ja kunngun yɛ ɔ ´ka lɛ-ɔ. Ɔ wa yo kɛ olivie bɔ be fa waka be ti gua'n sa. Sɛ mma nnyɔn o annzɛ sɛ mma nsan o, be ´ka olivie'n i ti'n su lɔ. Yɛ sɛ mma nnan o annzɛ sɛ nnun o, be ´ka i sama'm be su. Ndɛ nga bɔ Anannganman b'ɔ ti Izraɛl Nyanmiɛn'n ɔ kan'n yɛ ɔ o lɛ-ɔ.

Ezai 24:13

Asiɛ'n su wa nvle-nvle'm be nun'n, be wun-man like dan kun, Ɔ ti kɛ olivie bɔ be fa waka be ti i mma'm be gua wuun ɔ'a wie'n sa. Ɔ ti kɛ vinyi i mma kunngun ng'ɔ ka i waka'n su bɔ b'a ti ɔ'a wie'n sa.

Zeremi 49:9

Vinyi tifuɛ mun'n, sɛ be kpɛn amun fie nun'n, be su yaci-man vinyi sɔsɔwa kun sa lɛ! Sɛ awiefuɛ'm be ko to amun kɔnguɛ'n, be ´fɛn amún bo ninnge'n ngba.

Zeremi 50:23

An `se kɛ sɛ, marto b'ɔ keje asiɛ'n ɔ'a bu, i nun ɔ'a fufu. Babilɔni fa-man mɛn kun. Ɔ'a yo sa flɛnnɛnnɛn kɛ aawlɛ kee'n sa.

Zeremi 6:9

Anannganman b'ɔ sie mɛn wunmuan'n waan: «Man be isa-isa Izraɛlfuɛ be onga mun, kɛ b'a ti vinyi mma b'a sin nan be su niɛn-niɛn i ja nun ekun sa. Man be fa bé sa'n wlan-wlan vinyi sama'n su bla kɛ vinyi tifuɛ mun sa.»

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Abdias 1:9

Anannganman kan ndɛ kleli Teman klɔ'n. Ɔ seli kɛ: «Ɔ sonja'm be su wun-man sa fi yowlɛ. Ezau mɛn'n nun sonja'm be kwlaa be ´wie wu, be nun kun sa su ka-man lɛ.»

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Mmla'n 24:21

Kɛ amun ko ti amun vinyi mma mun ko sin'n, nán amun sa amún sin nian-nian nun kun. Man i nga ɔ ka lɛ'n, aofuɛ mun, nin aika mma mun, nin angboti bla mun be ti be fa.

Sa nglô yile 18:10

Kɛ be ´wun nyrɛnnɛn b'ɔ su wun i'n b'ɔ ´yo be sro'n ti'n, be ´jran mmua lɔ be ´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga? Babilɔni klɔ dan'n b'ɔ ti famiɛn klɔ'n, dɔ kunngba su i sufuɛ'm b'a nyan sa nga be yoli'n i nuan akatua!›