Abdias 1:3 - NYANMIƐN NDƐ'N 1998

³ Ɔ wun tulɛ dan'n ti w'a mlin yɛ a o lɛ-ɔ. A o yɛbuɛ-yɛbuɛ'm be afiɛn lɔ, ɔ klɔ'n wo nglo lɔ fleiin'n, i ti a se ɔ wun kɛ yoo: ‹?Kɛ wan sa cɛ yɛ ɔ kwla tu mín bo wa-a?›

Abdias 1:3 ပူးပေါင်းရင်းမြစ်များ

Bo Bolɛ 36:8

Kɛ Ezau i Seir oka'n su tranlɛ'n yoli sa. Ezau kunngba'n yɛ be flɛ i kɛ Edɔm nin-ɔn.

2 Famiɛn Mun 14:7

Amazia kunnin Edɔm sonja akpi blu (10.000) Njin Kongo'n nun lɔ. Alɛ sɔ'n nun'n, ɔ fali klɔ nga be flɛ i Sela'n, nan ɔ'a tɔn i dunman kɛ Zɔkteɛl. Dunman sɔ'n tɛ o i su lele ndɛ.

2 Be Nyoliɛ 25:11

Amazia trɛli i anwlɛn, ɔ dunnin mmua i nvle'n nun sran'm be nyrun, be ɔli kongo nga be flɛ i Njin Kongo'n nun lɔ. Be kunnin Edɔmfuɛ'm be nun sran akpi blu (10.000).

2 Be Nyoliɛ 25:12

Yɛ Zidafuɛ'm be trali be nun akpi blu (10.000) ekun bɔ bé nyin o su'n, be fali be ɔli kongo kun nuan, be suli be bo guali kongo'n nun, nan be kwlaa b'a wu.

Zɔb I Nyrɛnnɛn Wunlɛ 20:6

Sɛ bɔ ɔ nyin to nyanmiɛn'n, sɛ i ti'n ɔ to nyanmiɛn ble'n bɔbɔ'n,

Nyanndra Mun 16:18

Bé nuan dilɛ'n yi be ase. Wun tulɛ'n kusu i sin sa'n yɛlɛ awieliɛ b'ɔ wie be'n.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Zeremi 21:13

Amun nga an tran Nyanmiɛn i sua'n i bo ngua lɔ lika kpɛtɛkplɛɛ nun yɛbuɛ'n su'n, amun bɔ an di amún nuan se kɛ: ‹?Wan cɛ yɛ ɔ kwla jra lele to ye wa-a? ?Wan yɛ ɔ kwla wlu e fiawlɛ nun-ɔn?›, Anannganman'n wan yoo:

Zeremi 37:9

Min Anannganman min wan yoo: Nán an cici amún wla ngbɛn an `se kɛ: Babilɔnifuɛ'm be ´jaso wa be ´kɔ mmua. Yɛlɛ kɛ be su kɔ-man.

Zeremi 48:28

An `yaci klɔ'm be lɛ, an `ko tran yɛbuɛ-yɛbuɛ'm be nun. An `yo kɛ auble'm be sa. Amun `yo kɛ auble'm bɔ be yo be sua yɛbuɛ ng'ɔ seli piaa i wun'n sa.

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Zeremi 49:4

Nyin keklefuɛ mun. ?Nán amun yɛ an fa amun kongo mun di amún nuan nin-ɔn? ?Amun kongo'n nun asiɛ klanman'n, nán amun yɛ amun fa di amún nuan nin-ɔn? Amun fa amun wla gua amun anyanbeun ninnge'm be su, i ti amun ko se kɛ yoo: ‹?Kɛ wan sa cɛ yɛ ɔ nin ye wa ba kunlɛ-ɔ?›

Ezekiɛl 28:16

Wɔ aata dilɛ'n i dan'n ti, a yoli sa kekleekle mun yɛ a yoli sa tɛ. N tuli wɔ min oka'n su lɔ. N kannin ɔ bo, a su tran-man yɛbuɛ nglannglan'm be nun kun.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.