Abdias 1:21 - NYANMIƐN NDƐ'N 1998

²¹ Defuɛ sɔ'm be ´fu Siɔn oka'n su lɔ be ´tran, yɛ be ´sie Edɔm mɛn nin-ɔn. Yɛ sielɛ'n ɔ ´yo Anannganman liɛ. Anannganman'n ´yo famiɛn, i yɛ ɔ ´tran famiɛn bia'n su-ɔ .

Abdias 1:21 ပူးပေါင်းရင်းမြစ်များ

Bo Bolɛ 25:23

Anannganman seli i kɛ: «Akpasua nnyɔn be o ɔ klun. A wa wu nvle nnyɔn. Kun ´kwla kun, ba kpɛnngbɛn'n ɔ ´su i sinma'n.»

2 Famiɛn Mun 13:5

Ɔ mannin Izraɛlfuɛ'm be defuɛ kun. Ɔ man Izraɛlfuɛ'm be nyannin be ti Sirifuɛ'm bé sa nun, nan b'a tran be tannin sua'm be nun kɛ laa'n sa.

Neemi 9:27

Yɛ ɔ kusu a fali be wlali be kpɔfuɛ'm bé sa nun. Be kleli be yalɛ. Kɛ be ´wun be nyrun'n, be kpan flɛli wɔ. Ɔ kusu a o nyanmiɛn su lɔ a tili. A mannin be defuɛ mun, be deli be be kpɔfuɛ'm bé sa nun.

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 22:28

Be kwlaa nga be tran asiɛ wunmuan'n su, kannzɛ be o mmua o, man be bu Anannganman i akunndan, yɛ be blɛ i sin. Awlobo-awlobo nga be o nvle-nvle'm be nun'n, man be nunfuɛ'm be kwlaa be koto i bo!

Jue Mun 22:29

Afin sielɛ'n ɔ ti i liɛ. I yɛ ɔ sie nvle-nvle'm be kwlaa-a.

Jue Mun 47:7

Amun `to jue bo flɛ Nyanmiɛn, amun `to jue bo flɛ i. Amun `to jue bo flɛ e famiɛn'n, amun `to jue bo flɛ i.

Jue Mun 67:4

Ee Nyanmiɛn, man sran'm be manman wɔ, man nvle'm be nunfuɛ'm be kwlaa be manman wɔ.

Ezai 19:20

I sɔ'n ɔ wa yo nzɔliɛ b'ɔ kle kɛ Anannganman b'ɔ sie mɛn wunmuan'n wo Ezipt mɛn'n nun. Blɛ bɔ be ´kle Eziptfuɛ'm be yalɛ'n, sɛ be kpan flɛ Anannganman kɛ ɔ de be'n, ɔ ´blɛ be defuɛ kun b'ɔ ´jran bé sin, yɛ ɔ ´de be.

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Daniɛl 12:3

Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Daniɛl 2:35

Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Matthieu 6:10

man ɔ sielɛ blɛ'n ju, man e bɔ e wo asiɛ'n su wa'n e yo ɔ klun sa kɛ be bɔ be o nyanmiɛn su lɔ'n be yo'n sa.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

JÉSUS-CHRIST I DYASIN FE'N BO LUC KLELI'N 22:30

nan tabli nga n ´di su min mɛn'n nun lɔ'n, an ´di su wie, yɛ n ´sie amun bia su man be ´fa Izraɛl nvle blu-nin-nnyɔn mun ba amún ja su.»

1 Timote 4:16

Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 19:6

Yɛ n tili sran kpanngban wie'm be nɛn, be nɛn sɔ'n ɔ tɛ kɛ nzue dan b'ɔ sonji kpuu nin nyanmiɛn b'ɔ kpla dan'n sa. Be seli kɛ: «An `manman Nyanmiɛn! Afin Anannganman Nyanmiɛn b'ɔ kwla like kwlaa yo'n ɔ'a trɛn i bia'n su.

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .

Jɔlɛ Difuɛ Mun 2:16

Anannganman wa mannin be jɔlɛ difuɛ mun. Be yɛ be wa deli be nvle nga be fɛn be bo ninnge'n bé sa nun-ɔn.

Jɔlɛ Difuɛ Mun 3:9

Yɛ be kpan flɛli Anannganman nan ɔ'a man be jɔlɛ difuɛ kun. Be flɛ i kɛ Ɔtniɛl. Kalɛb i sinma yasua Kɛnaz i wa-a.