Abdias 1:20 - NYANMIƐN NDƐ'N 1998

²⁰ Izraɛlfuɛ nga be o mɛn'n i nglo lɔ bɔ be trali be lomuɛn'n, bɔ be ti sonja kekle'n, be ´fa Kanaanfuɛ'm be lika'n lele ´ju Sarɛpta. Zerizalɛmfuɛ nga be trali be ɔli Sɛfarad'n be ´fa ngua lɔ klɔ mun.

Abdias 1:20 ပူးပေါင်းရင်းမြစ်များ

Zeremi 13:19

B'a nyin mɛn'n i ngua lɔ klɔ'm be anuan mun. Sran fi nun-man lɔ b'ɔ ´tike-ɔ. B'a tra Zida nvle wunmuan'n lomuɛn b'a wɔ. Be trali be kwlaa ɔli.»

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 33:13

Klɔ nga be o oka'm be su'n nin klɔ nga be o tɔnun'm be nun, nin Negɛb lika'm be nun, nin Bɛnzamɛn nvle'n nun, nin Zerizalɛm asa'n su'n, ɔ nin Zida klɔ'm be su'n, lɔ boli mun nin lɔ bua'm be ´sin sran ng'ɔ ka be'n i nyrun ekun.» Anannganman'n yɛ ɔ kan sɔ-ɔ.

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Ezekiɛl 36:12

Amun nga amun ti min mɛn nunfuɛ'n, n ´fa amun n nanti mɛn wunmuan'n nun. Ɔ ´kaci amun liɛ, amun mma'm be su fi-man amún sa lɔ kun.

JÉSUS-CHRIST I DYASIN FE'N BO LUC KLELI'N 4:26

Sanngɛ Nyanmiɛn a sunman-man Eli angboti bla sɔ'n be wie fi sin, san angboti bla kun b'ɔ o Sarɛpta Sidɔn mɛn'n nun'n i sin cɛ yɛ ɔ sunmɛnnin i-ɔ .