Abdias 1:19 - NYANMIƐN NDƐ'N 1998

¹⁹ Zidafuɛ'm be ´fa Edɔm mɛn'n i ngua ngua lɔ'n, be ´fa lika kpɛtɛkplɛɛ'n b'ɔ ti Filistifuɛ'm be nvle'n, yɛ be ´fa Samari b'ɔ ti Efraimfuɛ'm be asiɛ'n. Bɛnzamɛnfuɛ'm be ´fa Galaad mɛn'n .

Abdias 1:19 ပူးပေါင်းရင်းမြစ်များ

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

1 Be Nyoliɛ 5:26

Anannganman suli Asiri famiɛn nga be suan Pil nin Tilgat-Pilnezɛr'n bé bo kɛ be tra be wɔ be mɛn'n nun. Be fa be ɔli Kalak, nin Kabɔr, nin Ara, ɔ nin Gɔzan nzue'n nuan lɔ. Lele ndɛ be tɛ tran lɔ.

Ɛsdras 4:17

Famiɛn'n klɛli fluwa ko mannin Rɛɔm b'ɔ ti nvle siefuɛ'n, ɔ nin Simsai b'ɔ ti i fluwa klɛfuɛ'n ɔ nin be nga be nin be di junman kunngba'n, bɔ be o Samari annzɛ nzue'n i bue kun lɔ'n. Ɔ seli be kɛ: «N ´yo amun like.

Ɛsdras 4:2

Be wa toli Zorobabɛl nin Izraɛl awlobo kpɛnngbɛn mun nan b'a se be kɛ: «E klo kɛ e nin amun e ´kplan sua'n, afin Nyanmiɛn kunngba nga amun su i'n yɛ e su i-ɔ. Kɛ ɔ fin cɛn bɔ Ezar-Adɔn b'ɔ ti Asiri famiɛn'n ɔ fali ye bali wa'n, e yi tɛ e man Nyanmiɛn .»

Jue Mun 69:35

Man nglo lɔfuɛ mun nin asiɛ'n sufuɛ mun, ɔ nin jenvie'n nin i nun ninnge'n kwlaa be mɛnmɛn i.

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 49:1

Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Ezekiɛl 25:16

I sɔ'n ti, Anannganman Nyanmiɛn wan yoo: Min yɛ, n wa yi n kwlalɛ bɔ n kwla'n i nglo, e nin Filistifuɛ mun e wa nyɛn i. N ´nunnun Kaftɔrfuɛ nga be ka jenvie'n i nuan kpɔlɛ'n su lɔ'n.

Ezekiɛl 36:28

Amun ´tran mɛn nga n fa mannin amún nannan mun'n i nun. Amun ´yo min nvle, yɛ n ´yo amun Nyanmiɛn.

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Amɔs 9:12

Kpɛkuun asiɛ ng'ɔ ti Edɔmfuɛ'm be liɛ laa'n nin ng'ɔ ti nvle kun nga'm be liɛ laa'n, ɔ nin ng'ɔ ti m bɔbɔ min liɛ laa'n, be ´yo Izraɛlfuɛ'm be liɛ. M bɔbɔ min Anannganman'n, min yɛ n kan sɔ-ɔ. Min bɔ n kan'n, min kusu min yɛ n ´yo m ´man amun-ɔn .»

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Zozie 13:25

Zaɛzɛr, nin Galaad klɔ'm be ngba, nin Amɔn i osu'n nun sran'm be mɛn'n i bue bɔ i nuan yɛlɛ Arɔɛr b'ɔ o Raba i ndɛnman lɛ'n.

Zozie 13:31

Galaad mɛn'n i bue, ɔ nin Astarɔt klɔ'n nin Edrei klɔ'n, be fa lika sɔ'n kwlaa mannin Manase akpasua nga bé nannan yɛlɛ Makir'n. Astarɔt nin Edrei be ti Bazan mɛn'n i famiɛn'n bɔ be flɛ i Ɔg'n i famiɛn klɔ mun.

Zozie 15:21

Klɔ nga be o Zida i lika i ngua'n, nin Edɔm i nuan su mun yɛlɛ Kabzeɛl, Edɛr, Zagir,

Zozie 15:33

Klɔ nga be o lika kpɛtɛkplɛɛ nun'n yɛlɛ Ɛstaɔl, Zɔrea, Asna,