Abdias 1:18 - NYANMIƐN NDƐ'N 1998

¹⁸ Ezau osu nun ba'm be ´yo kɛ ijre kee sa, Zakɔb nin Zozɛf be osu'n nun ba'm be kusu be ´yo kɛ sin nin i taaman sa yɛ be ´yra Ezau i osu nin-ɔn. Be ´nunnun be mlɔnmlɔn, be nun kun sa su tran-man nguan nun.» Afin Anannganman'n yɛ ɔ'a kan kle amun-ɔn .

Abdias 1:18 ပူးပေါင်းရင်းမြစ်များ

2 Samiɛl 19:20

Ɔ seli i kɛ: «Nannan, yaci, nán bu sa nga n yoli wɔ'n i akunndan kun. Fɔnlɛ nga n fɔnnin ɔ wun le kun nga a ´fin Zerizalɛm fite'n, nán bo su di jɔlɛ kun, nán fa sie ɔ klun.

Ezipt Lɔ Tulɛ'n 5:12

Nan Izraɛlfuɛ'm b'a sanndi Ezipt mɛn wunmuan'n nun. Be ɔli ijre ng'ɔ ko ju be'n i kunndɛlɛ.

Ezai 10:17

Izraɛl'n i kpajalɛ b'ɔ kpaja'n ɔ ´kaci sin, yɛ i Nyanmiɛn'n ɔ ´yo kɛ sin taaman sa, ɔ wa sɔ, ɔ ´yra susrɛ mun nin owie mun, ɔ ´yra be cɛn kunngba lekeleke.

Ezai 31:9

Be safunyrɛn'm be ´wanndi, srɛ ´kun famiɛn i awlo lɔ sran dandan mun, be ´yaci be flanga'm be lɛ be ´wanndi. Anannganman bɔ i sin'n wo Siɔn lɔ'n, bɔ i sin dan'n wo Zerizalɛm'n yɛ ɔ kan sɔ-ɔ.

Ezai 47:14

Nian, be ti kɛ ijre bɔ sin yrɛ i'n sa, be kwla de-man bé wun sin taaman'n i sa nun, nán sɛnmlɛn bɔ be fa tɔn kpaun nin-ɔn, nán sin bɔ be trɛn i wun be tɔn sin nin-ɔn.

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezai 9:18

Anannganman b'ɔ sie mɛn wunmuan'n, i ya dan'n ti mɛn'n ɔ'a sɔ kɛ sin sa. Sɛ e ´kwla se'n, sin'n ɔ'a di sran mun. Sran fi yaci-mɛn i wiengu lɛ.

Ezai 9:19

Sɛ be tɔ fama su-ɔ, be kpɛ be di, sanngɛ awe yaci-man be kunlɛ. Sɛ be nyɛn i bɛ su lɔ-ɔ, be su di, sanngɛ be ku yi-man. Sran kun nyɛn i bɔbɔ i sa nin-ɔn, ɔ su di i nnɛn'n.

Zeremi 11:23

Nyrɛnnɛn nga n wa fa yi i Anatɔtfuɛ'm be su'n, be nun kun sa su fite-man nun.»

Ezekiɛl 37:16

«Klɔ sran, fa waka kun nan klɛ su kɛ: ‹nin Izraɛlfuɛ nga be o famiɛn diwlɛ nga nun'n.› Fa waka bue uflɛ nan klɛ su kɛ: ‹Zozɛf nin Izraɛlfuɛ nga be o famiɛn diwlɛ nga nun'n.›

Ezekiɛl 37:19

Tɛ be su kɛ: ‹Anannganman Nyanmiɛn wan yoo: Zozɛf i waka b'ɔ o Efraim sa nun'n nin Izraɛlfuɛ nga be o nvle nga nun'n, m bɔbɔ min n ´fa be n sa Zida waka'n su, yɛ be ´kaci waka wunmuan kunngba. Be ´yo wunmuan kun mín sa nun.›

Zoɛl 2:5

Be fin oka kun su be tu be kpɛn kun su. A ti be ngan sa-a, ɔ waan wuun alɛ kunlɛ kakaklolo mun yɛ be su kpla-a, annzɛ sin wie yɛ ɔ'a tɔ ijre kee wie nun yɛ ɔ su tɛtɛ-ɔ. Kɛ be ´ba sa-a ɔ waan wuun alɛ kunfuɛ kpakpa'm wie bɔ b'a lɔngɔ su be su kɔ alɛ kunlɛ-ɔ .

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Amɔs 6:6

Klowa kpakpa'm be nun yɛ amun nɔn nzan nin-ɔn. Nyanngo kpakpa ng'ɔ bɔn fannin'n yɛ an kpakpa-a, sanngɛ nyrɛnnɛn dan ng'ɔ su wa tɔ Zozɛf osu'n nunfuɛ'm be su'n, ɔ kle-man amun kokolɛ.

Abdias 1:16

«Izraɛlfuɛ mun, amun liɛ m'an dun mmua m'an kle amun nun min oka liɛ klonglo'n su lɔ. Nvle uflɛ'm be kusu n wa kle be nun tɛtɛ kpa, kpɛkuun be ´nunnun treketreke .

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

Zakari 12:6

I sɔ blɛ nun'n, n ´yo man Zida kpɛnngbɛn'm be ´yo kɛ yie kwle bɔ sin ɔ'a tɔ nun b'ɔ su yra'n sa. Be ´yo kɛ ijre kee bɔ sin ɔ'a tɔ nun b'ɔ su jue'n sa. I sɔ sin liɛ'n, ɔ ´didi nvle nga be mantan-mantan be lɛ'n mun, sanngɛ Zerizalɛmfuɛ'm be ´ka be osu'n nun lɛ.»

1 Korɛntfuɛ Mun 3:12

I sɔ'n ti, sua nga be wlɛ i bo ase'n, sɛ sran wie fa sika ɔkwlɛ o, jɛtɛ ufue o, yɛbuɛ kpakpa o, waka o, ijre o, awie ja o, taka sua i bo sɔ'n su'n,