Abdias 1:15 - NYANMIƐN NDƐ'N 1998

¹⁵ Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Abdias 1:15 ပူးပေါင်းရင်းမြစ်များ

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Zɔb I Nyrɛnnɛn Wunlɛ 24:1

?Ɔ yo sɛ ti yɛ Nyanmiɛn b'ɔ kwla like kwlaa yo'n ɔ'a sie-man cɛn bɔ ɔ ´fa di i jɔlɛ nin-ɔn? ?Ɔ yo sɛ ti yɛ ɔ yi-man cɛn sɔ'n i nglo kle-man be bɔ be si i mun-ɔn?

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 49:12

Anannganman wan yoo: «Sran nga bɔ m'an se-man kɛ be yɛ be `nɔn ya klowa'n nun, be nɔnnin nun. ?Yɛ ɔ li wɔ Edɔm, be yaci wɔ lɛ sɔ-ɔ ɔ yo ye? San like ng'ɔ o nun'n, i nɔnlɛ cɛ yɛ a ´nɔn-ɔn.»

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Zeremi 51:56

Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Ezekiɛl 30:3

Cɛn sɔ'n ɔ'a mantan. Anannganman i cɛn'n ɔ'a mantan. Cɛn sɔ'n, ɔ ´yo kɛ nzue yɛ ɔ'a mlan sa. Ɔ wa yo nvle-nvle'm be fɔ tulɛ cɛn.

Ezekiɛl 35:11

i sɔ'n ti'n, min Anannganman bɔ min nyin o su'n n waan yoo: «A yoli Izraɛlfuɛ'm be ukpo-ukpo, a tuli ɔ klunngbɔ be su, a kpɔli be. N ´niɛn i kunngba'n su n ´yo wɔ wie. N ´tu wɔ fɔ n fa kle wɔ kɛ n fa ti'n.

Ezekiɛl 35:15

Afin kɛ Izraɛl b'ɔ ti min nvle'n ɔ sacili'n, ɔ klun jɔli. I sɔ'n ti'n, n ´yo man sa kunngba sɔ'n ɔ ´ju ɔ su wie. Ɔ oka mun nin ɔ mɛn wunmuan'n be ´saci mlɔnmlɔn. Yɛ sran'm be kwlaa be ´si kɛ min yɛ n ti Anannganman Nyanmiɛn nin-ɔn.»

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 2:1

An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 5:20

?Anannganman i cɛn'n nun'n, lika'n ´kpaja? Ɔ siɛ mlɔnmlɔn! Ɔ ´yo aosin cɛn, lika'n ´lu tritritri! Be su wun-man kɛ lika'n ɔ kpaja bɔ kaan sa!

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Matthieu 7:2

afin fɔ kunngba nga an fa bu sran'n, yɛ Nyanmiɛn wa fa bu amun-ɔn, yɛ like nga an fa sunnzun sran'n, i kunngba sɔ'n yɛ Nyanmiɛn wa fa sunnzun amun-ɔn.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.