Abdias 1:11 - NYANMIƐN NDƐ'N 1998

¹¹ Le kun nga bɔ Izraɛl i kpɔfuɛ'm be sonja'm be ´yo kɛ be kun-man alɛ kun sa bɔ be ´wlu klɔ'n nun, bɔ i sɔ aofuɛ liɛ'm be ´tu Izraɛlfuɛ'm be ninnge kpakpa'm be wun fɔtɔ be ´fa'n, wuun amun o lɛ. I sɔ like liɛ nga be ´yo'n, amun nin be yɛ be yoli-ɔ .

Abdias 1:11 ပူးပေါင်းရင်းမြစ်များ

2 Famiɛn Mun 25:11

Sran nga be kali klɔ'n nun'n, ɔ nin be nga be fa bé wun ko mannin Babilɔni famiɛn'n, ɔ nin ajuin difuɛ nga be kali'n, Nɛbizaradan trali be lomuɛn ɔli Babilɔni.

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 50:18

Kɛ a wun awiefuɛ'n, a nin i-ɔ, sran ng'ɔ kunndɛ bla i yi bo annzɛ bian i wun bo'n, a nin i bé bo ti kun.

Jue Mun 83:5

Be waan: «Amun man e wɔ e ko nunnun be nvle'n, nán man be bo Izraɛl dunman su be di jɔlɛ kun.»

Jue Mun 83:6

Bé nuan ɔ'a yo kun, b'a di anuansɛ, b'a ti bé wun aniɛn kɛ be ´jaso ɔ́ wun.

Ezekiɛl 35:10

Kɛ bɔ a seli kɛ: «Izraɛl mɛn'n nin Zida mɛn'n be ´yo min liɛ'n yɛ e ´fa kaci e liɛ'n,» sanngɛ wuun Anannganman o lɛ'n,

Zoɛl 3:3

N ´yo abonuan sa mun nyanmiɛn su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

Amɔs 1:6

Anannganman'n wan yoo: «Filistifuɛ'm nga be o Gaza bé sa tɛtɛ nga b'a yo'n sɔnnin. Be trali nvle wunmuan kun be fa ko mannin Edɔmfuɛ mun. Ɔ man e nin be y'a nyɛn i.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Naɔm 3:10

Sanngɛ be trali klɔ sɔ'n su sran'm be lomuɛn be ɔli mɛn uflɛ nun. Be kunnin i mma kanngan mun atin'm be kwlaa su. Be wlali kpɛnngbɛn'm be kɔmin jrɔkɔ. Kpɛkuun awlobo kpɛn'm be liɛ'n be kwlafuɛ'm be tuli bé wun fɔtɔ be cɛcɛli be nun be fali be.

Sofoni 2:10

Be tutre bɔ be dili'n, ɔ nin nzowa nga be kpɛli Anannganman b'ɔ sie mɛn wunmuan'n i sran mun'n, i su sa nga be ko nyɛn i'n, yɛ ɔ o lɛ-ɔ.