Abdias 1:10 - NYANMIƐN NDƐ'N 1998

¹⁰ «Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Abdias 1:10 ပူးပေါင်းရင်းမြစ်များ

Bo Bolɛ 27:11

Zakɔb seli i nin kɛ: «Ezau lɛ ndrɛ kpanngban, n kusu n lɛ-man wie.

Bo Bolɛ 27:41

Bé si i nuan b'ɔ yrali mannin Zakɔb'n ti, Ezau i nyin cili Zakɔb. Ɔ seli i klun lɔ kɛ: «Baba su cɛ-man kun. Sɛ ɔ wu'n, n ´kun Zakɔb.»

2 Be Nyoliɛ 28:17

afin Edɔmfuɛ'm be sali bé sin be wa fali alɛ wlali Zidafuɛ'm bé sin ekun nan b'a tra Zidafuɛ wie mun b'a ɔ.

Jue Mun 109:29

Be bɔ be kan min wun ndɛ tɛtɛ'n, man bé nyin gua ase. Man nyannzuɛn'n ɔ sra be kɛ tralɛ sa.

Jue Mun 132:18

N ´yo man i kpɔfuɛ'm be ´wun nyannzuɛn tratra su. Kɛ ɔ ´yo sɔ'n, wuun i kusu i famiɛn kle'n wo i ti'n su nyɛnnyɛnnyɛn!»

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 69:7

Min Min Anannganman b'ɔ sie mɛn'n wunmuan'n, nán n gua be bɔ be lafi ɔ su'n bé nyin ase. Izraɛl Nyanmiɛn, nán be bɔ be fa be wun mantan wɔ'n be wun nyannzuɛn min dunman nun.

Jue Mun 89:45

A yoli man i anyrunnyan'n wieli. A suli i famiɛn bia'n bo yili i ase.

Nyanndra Mun 10:6

Sran kpa'n, san muae cɛ yɛ ɔ o i wunmuan su-ɔ. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 49:13

Anannganman waan: «Se kɛ sɛ, n kan m bɔbɔ min Anannganman'n ti: Bɔzra klɔ'n ɔ ´nunnun mlɔnmlɔn, be su wun-man like kun b'ɔ fɛ i-ɔ. Be ´saci kɛ likɛ. Be ´fɛ i dunman'n be ´fa bo sannzan. I asa'n su klɔ'm be kusu be ´nunnun mlɔnmlɔn.»

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Ngwlɛ Yilɛ 4:21

Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ezekiɛl 35:9

N ´yo man a ´kaci aawlɛ flɛnnɛn sa tititi. Be su tran-man ɔ klɔ'm be su kun mlɔnmlɔn. Yɛ a wa si jrɛiin kɛ min yɛ n ti Anannganman nin-ɔn.› »

Ezekiɛl 7:18

Be ´wla bajɛ tralɛ, yɛ srɛ'n ´kun be kpo. Be kwlaa be ´wun nyannzuɛn. Be kwlaa be ´yi bé ti'n.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Mmla'n 23:8

Sanngɛ nán amun yo Edɔmfuɛ'm be finfin. Be ti amun niaan. Nán amun yo Eziptfuɛ'm be finfin, afin be sikeli amun i nun bɔ amun trannin be mɛn'n nun lɔ'n.