Abakik 3:4 - NYANMIƐN NDƐ'N 1998

⁴ Ɔ bo nyɛnnyɛnnyɛn. Like'n ti kɛ wia je sa, ɔ fin i sa klun fite. Lɛ yɛ i wunmiɛn'n fia-a.

Abakik 3:4 ပူးပေါင်းရင်းမြစ်များ

Neemi 9:12

Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Zɔb I Nyrɛnnɛn Wunlɛ 26:14

Nga ti sa ng'ɔ yo be'n be bue kaan sa. Be nganniɛn nga e ti i wa'n, e ti-mɛn i kpa bɔ ngbɛn. ?Yɛ i sa sroesroe ng'ɔ yo'n, e suɛn i bo sɛ yɛ ɔ yo ye-ɔ?

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 18:12

Ɔ fali aosin tuun'n ɔ kɛtɛli i bɔbɔ su. Nyanmiɛn ble tritri'n sin yiɛ i.

Ezipt Lɔ Tulɛ'n 13:21

Anannganman dun mmua be nyrun, sin wɛnsrɛn wie ja sa tiaan yɛ ɔ fa kle be atin'n wia nun-ɔn. Kɔnguɛ ɔ dun mmua be nyrun, sin taaman wie ja sa tiaan yɛ ɔ kpaja be su-ɔ, i ti Izraɛlfuɛ'm be kwla nantili kɔnguɛ nin wia su.

Ezipt Lɔ Tulɛ'n 14:20

Sin wɛnsrɛn sɔ'n wo Eziptfuɛ'm be nin Izraɛlfuɛ'm be afiɛn. I bue kun ti aosin, yɛ i bue kun kusu kpaja kɔnguɛ, ɔ man be bue nnyɔn b'a kwla mantan-man be wiengu kɔnguɛ wunmuan'n nun.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezekiɛl 1:27

Yɛ n wunnin kɛ sran wafa sɔ'n ɔ ti nyannyan kɛ yɛbuɛ kpa b'ɔ bo mianmian'n sa, kpɛkuun ɔ ti kɛ sin wie yɛ ɔ sin yiɛ i sa. Kɛ ɔ fɛ i sran wafa sɔ'n i afiɛn'n nun lɛ b'ɔ ´fa kɔ nglo'n, ɔ nin kɛ ɔ fɛ i i afiɛn'n nun lɛ b'ɔ ´fa ba ngua'n, ɔ ti kɛ sin b'ɔ kpaja'n sa.

Ezekiɛl 43:2

N wunnin Izraɛl Nyanmiɛn i nyrun nyannyan'n b'ɔ fin wia afiliɛ lɔ'n kɛ ɔ su ba. Kɛ ɔ ´ba'n, ɔ tɛ kɛ jenvie'n yɛ ɔ su bo sa, kɛ ɔ kpaja'n ti, asiɛ'n su kpajali wauun .

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .