Abakik 3:3 - NYANMIƐN NDƐ'N 1998

³ Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.

Abakik 3:3 ပူးပေါင်းရင်းမြစ်များ

Bo Bolɛ 21:21

Ɔ trannin Paran aawlɛ flɛnnɛn'n nun lɔ. I nin kunndɛli Ezipt bla mɛnnin i.

Bo Bolɛ 36:11

Elifaz kusu wuli Teman, nin Ɔmar, nin Zɛfo, nin Gaɛtam yɛ Kɛnaz.

1 Famiɛn Mun 11:18

Be fɛli i Madian nvle'n nun lɛ be ɔli Paran. Be fali Paran lɛ sran wie mun, nan b'a ɔ Ezipt lɔ famiɛn'n sin. Ezipt famiɛn'n sikeli be. Ɔ niannin be lika, ɔ mannin be asiɛ.

Jue Mun 113:4

Anannganman yɛ ɔ o nvle'm be kwlaa bé su-ɔ. I nyrun nyannyan'n ɔ o nyanmiɛn'n b'ɔ la nglo lɔ plaii'n i su nglo lɔ.

Jue Mun 148:13

amun `bo flɛ Anannganman, afin i kunngba yɛ i dunman'n ɔ ti fuwa-a. Ɔ sie asiɛ'n nin nyanmiɛn'n b'ɔ la nglo lɔ plaii'n.

Jue Mun 3:2

Ee! Anannganman, min kpɔfuɛ'm be sɔnnin o! Be nga be jaso mín wun'n, be di-man be yalɛ!

Jue Mun 3:4

Sanngɛ Anannganman, a sasa min kɛ nyrɛn sa. A man min anyrunnyan, a yo man n kwla man mín ti'n su.

Jue Mun 4:4

Man amun si kɛ Anannganman fali min, afin min nyin yi i. Kɛ n flɛ i'n, ɔ ti.

Jue Mun 48:10

Ee Nyanmiɛn, kɛ e wo ɔ sua'n nun lɔ'n, e nyin kpɛn ɔ su kɛ a ti aklunyefuɛ.

Jue Mun 68:17

?Amun bɔ amun sɔ ninnge mun oka bɔ i ti'm be sɔnnin'n su'n, onin yɛlɛ amun nyin bɔ amun fa blo be nga be sɔ Anannganman i oka b'ɔ kloli i'n b'ɔ fɛli i kɛ ɔ ´fa yo i tranwlɛ'n i wun'n? Anannganman ´tran lɛ titi.

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

Jue Mun 9:20

Anannganman, jaso! Nán man klɔ sran'n ɔ kwla! Fa nvle-nvlefuɛ mun jran ɔ nyrun lɛ nan di be jɔlɛ.

Ezipt Lɔ Tulɛ'n 20:18

Izraɛlfuɛ'm be kwlaa be tili nyanmiɛn b'ɔ kpan kplannan kplannan i ngan ɔ nin awɛ b'ɔ tɛ'n. Be kwlaa be wunnin nyanmiɛn'n i sin b'ɔ kpa piapia'n, ɔ nin oka'n b'ɔ ti sin wɛnsrɛn ngunmin'n, yɛ be tɔli usulɛ'n su-ɔ srɛ b'ɔ kun be'n ti. Be jran mmua lɔ.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Ezai 64:3

E nian ti-mɛn i le kɛ like uflɛ wie ɔ'a yo i sɔ sa ɔ'a man be nga be fa bé wla guɛ i su'n le, be nian kɛn-mɛn i sɔ nian kle-man ye le, e nian wun-mɛn i sɔ nin e nyinma le .

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Ezekiɛl 43:2

N wunnin Izraɛl Nyanmiɛn i nyrun nyannyan'n b'ɔ fin wia afiliɛ lɔ'n kɛ ɔ su ba. Kɛ ɔ ´ba'n, ɔ tɛ kɛ jenvie'n yɛ ɔ su bo sa, kɛ ɔ kpaja'n ti, asiɛ'n su kpajali wauun .

Amɔs 1:12

N ´fa sin n ´yi Teman klɔ'n nun. I sɔ sin liɛ'n ɔ ´yra sua nglanman nga be o Bɔzra lɔ'n mun.»

Abdias 1:9

Anannganman kan ndɛ kleli Teman klɔ'n. Ɔ seli kɛ: «Ɔ sonja'm be su wun-man sa fi yowlɛ. Ezau mɛn'n nun sonja'm be kwlaa be ´wie wu, be nun kun sa su ka-man lɛ.»

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Kalɛ 10:12

Izraɛlfuɛ'm be tuli bé bo Sinai aawlɛ flɛnnɛn'n nun lɛ kɛ Nyanmiɛn kleli be kɛ be yo'n sa. Sin wɛnsrɛn'n ko jrannin Paran aawlɛ flɛnnɛn'n nun lɔ.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

Mmla'n 5:24

be seli min kɛ: «Kɛ Anannganman e Nyanmiɛn'n i dan fa ti ju'n, ɔ'a fa kle ye, yɛ ɔ'a yi i wun nglo nyannyannyan ɔ'a kle ye. E tili i nɛn'n sin'n nun. Ndɛkɛn y'a wun kɛ kannzu Nyanmiɛn kwla ijɔ kle sran kpɛkuun sran sɔ'n ɔ wu-man.

1 Samiɛl 25:1

Samiɛl wa wuli. Izraɛlfuɛ'm be kwlaa be yiali, be yoli i sɛ'n nan b'a sie i Rama lɔ i awlo'n nun. I sin David ɔli Paran aawlɛ flɛnnɛn'n nun lɔ.