Abakik 3:18 - NYANMIƐN NDƐ'N 1998

¹⁸ sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

Abakik 3:18 ပူးပေါင်းရင်းမြစ်များ

2 Samiɛl 6:15

Kɛ David nin Izraɛlfuɛ'm be kwlaa be ´fa Anannganman i alaka'n be ´ba'n, wuun be ´kpan be klun b'ɔ ti jɔwa'n ti'n, wuun awɛ'n ´tɛ.

Zɔb I Nyrɛnnɛn Wunlɛ 13:15

Sɛ Nyanmiɛn waan ɔ ´kun min'n, man ɔ kun min. Kannzɛ ɔ yo sɛ, i su yɛ n ´fa min wla'n n ´gua-a. Sɛ i li ɔ ko yo nan n ko kpli min ti i nyrun'n,

Jue Mun 104:34

Man jue nga n ´to'n ɔ yo i fɛ! Kɛ bɔ ɔ ti min Nyanmiɛn'n ti'n, n klun jɔ lele kpe nun.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 25:5

Yo man n fa ɔ nanwlɛ atin'n, kle min ngwlɛlɛ man n si i, afin a ti min Nyanmiɛn, a ti min defuɛ. Ɔ su yɛ n fa min wla'n n gua-a.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 33:1

Nyanmiɛn sufuɛ nanwlɛfuɛ mun, amun `bo sro. Amun `manman Anannganman. Anannganman i manmanlɛ'n ɔ ti sran kpa'm be liɛ.

Jue Mun 85:6

?Nan a ´ka é wun ya falɛ'n su sa tititi? ?A ´fa ɔ ya'n a ´gua akpasua nga be ´jaso su'n be su?

Jue Mun 97:12

Amun nga Anannganman bu amun sran kpa'n, man amun klun jɔ i dunman nun. An `bo flɛ i, afin i nzuɛn'n nin klɔ sran liɛ'n ti-man kun.

Ezipt Lɔ Tulɛ'n 15:1

Moiz nin Izraɛlfuɛ'm be toli jue ng'ɔ o yɛ'n be manmannin Anannganman: «N ´to jue m ´manman Anannganman, afin kwlalɛ nga ɔ'a kwla yɛ'n, ɔ lɛ-man wunsu. Ɔ toli nnɛn kpanngɔ'm be nin bé su fufuɛ mun yili jenvie'n nun lɔ.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Zoɛl 2:23

Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Mise 7:7

Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

Zakari 10:7

Efraimfuɛ'm be ´yo kɛ safunyrɛn mun sa, be klun'n ´jɔ kɛ sran bɔ b'a nɔn nzan'n sa. Kɛ be mma'm be wun i sɔ'n, ɔ ´yo be fɛ, min Anannganman n dunman nun ti be klun ´jɔ.

JÉSUS-CHRIST I DYASIN FE'N BO LUC KLELI'N 2:30

Afin m bɔbɔ m'an wun defuɛ'n bɔ a fa mannin ye'n nin min nyinma.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.