Abakik 3:17 - NYANMIƐN NDƐ'N 1998

¹⁷ Kannzɛ mma nun-man figie'm be su'n, kannzɛ be nyan-man vinyi mma be ti-man'n, kannzɛ like fi nun-man olivie'm be su'n, kannzɛ be nyan-man aliɛ fie'm be su'n, kannzɛ bua nun-man tuin'm be nun'n, kannzɛ nannin nun-man tuin'm be nun'n,

Abakik 3:17 ပူးပေါင်းရင်းမြစ်များ

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

2 Korɛntfuɛ Mun 4:8

E wun nyrɛnnɛn wafa-wafa'n kwlaa, sanngɛ e nyan é ti, e akunndan sanngan, sanngɛ é wla bo-man,

2 Korɛntfuɛ Mun 4:9

be su e su, sanngɛ Nyanmiɛn yaci-man ye, be tɛ ye ase, sanngɛ be kwla-man ye.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Mise 6:15

Amun ´lua ninnge mun, sanngɛ an su nyan-man nun like fi. Amun ´yi olivie ngo, sanngɛ an su nyan-man wie yo-man like fi nun. Amun ´yi nzan, sanngɛ an su nɔn-man.

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.