Abakik 3:16 - NYANMIƐN NDƐ'N 1998

¹⁶ Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Abakik 3:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 30:17

Kɔnguɛ'n, min wunnɛn'n ɔ yo min ya sa fiaan kpɛn min owie'n nun. I ya'n ti n nyan-man wunmiɛn dewlɛ.

Zɔb I Nyrɛnnɛn Wunlɛ 30:30

Min wunnɛn kplo'n ɔ'a dun min wun tuun. Jɛkuajo'n wo min wun, min wunnɛn trɔ fiaan.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 91:15

Sɛ ɔ kpan flɛ min'n, n ´tɛ i su, Sɛ ɔ o nyrɛnnɛn nun'n, e nin i-ɔ.

Nyanndra Mun 12:4

Bla ng'ɔ ti bla kpa'n ɔ mɛn i wun i kɔmin su. Bla nga kusu b'ɔ gua i wun nyin ase'n, ɔ ti kɛ ngbaciɛ yɛ ɔ su kpaci i owie'n nun sa .

Nyanndra Mun 14:30

Bé wla b'ɔ gua ase'n ɔ yo man be yo juejue, sanngɛ anyinbloɛ ɔ ti kɛ ngbaciɛ b'ɔ o be owie'n nun'n sa.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Zeremi 23:9

Be nga be tɔn be wun suɛn kɛ be ti Nyanmiɛn i nuan ijɔfuɛ'n be yɛ n kan m man be-ɔ. Min anwlɛn'n ɔ'a kpɔtɔ min klun. Mín wun usu min. M'an yo kɛ sran bɔ ɔ'a nɔn nzan ɔ'a bo sa. M'an yo kɛ sran bɔ nzan'n ɔ'a kun i sa Anannganman'n ɔ nin i ndɛ'n be dunman nun ti.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

Ngwlɛ Yilɛ 1:20

Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Daniɛl 10:8

Min ba kunngba yɛ n kali lɛ yɛ n wunnin aolia nun like dan sɔ nin-ɔn. Min wunmiɛn'n wieli. Min nyrun'n kacili, ɔ kpali sa fuaii, n lɛ-man wunmiɛn kun.

Daniɛl 10:9

N tili sran sɔ'n i ndɛ ng'ɔ kan be'n. I aniɛn b'ɔ tɛ'n ti, mín nyrun bluli, n tɔli yɛ n utuli n nyin ase.

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

JÉSUS-CHRIST I DYASIN FE'N BO LUC KLELI'N 21:19

Sɛ an tra amun anwlɛn'n, amun ´nyan amún ti.»