Abakik 3:13 - NYANMIƐN NDƐ'N 1998

¹³ Ɔ sran'm be delɛ yɛ a ´tiatia kɔ blɛblɛ lɛ-ɔ. Ɔ famiɛn bɔ a fa sieli'n, i delɛ yɛ a su kɔ lɛ-ɔ. A ´kun klunwifuɛ'm be famiɛn'n, kpɛkuun a ´nunnun i bo mma'm be kwlaa kpan.

Abakik 3:13 ပူးပေါင်းရင်းမြစ်များ

2 Samiɛl 5:20

Yɛ David ɔli Baal-Pɛrazim nan ɔ'a kwla be lɛ. Yɛ David waan: «Anannganman ɔ'a sanndi min kpɔfuɛ'm be nun, be nun-man min nyrun lɛ kun, b'a ɔ kɛ nzue b'ɔ sonji kɔ'n sa.» I ti yɛ be tɔnnin lika sɔ'n i dunman kɛ Baal-Pɛrazim nin-ɔn. I bo yɛlɛ kɛ: «Lika bɔ be bo sanndili'n.»

Jue Mun 105:15

Ɔ seli be kɛ: «Nán an kan min sran bɔ n kpali be mun. Nán an yo mín nuan ijɔfuɛ'm be tɛtɛ.»

Jue Mun 105:26

Nan ɔ'a sunman Moiz b'ɔ ti i sufuɛ'n, ɔ nin Aarɔn b'ɔ kpɛli i'n.

Jue Mun 110:6

Ɔ ´di nvle-nvle'm be jɔlɛ. Lika'n kwlaa ´yo saka ngunmin. Ɔ ´nunnun mɛn wunmuan nga nun kpɛnngbɛn mun .

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 20:6

I liɛ'n, e klun ´jɔ ɔ́ ti bɔ a ´nyɛn i'n ti, yɛ e ´man flanga'n su e Nyanmiɛn'n i dunman nun. Man Anannganman yo i kwlaa nga a usɛ i'n man wɔ!

Jue Mun 28:8

Anannganman yɛ ɔ man i nvlefuɛ'm be wunmiɛn-ɔn. Ɔ ti famiɛn ng'ɔ sieli'n i fiawlɛ, sɛ ɔ ´nyɛn i ti'n, ɔ fin i.

Jue Mun 68:7

Nyanmiɛn man be bɔ be lɛ-man sran'n be awlo. Ɔ yo man be bɔ be ti bisuafuɛ'n be nyan fɔundi. Nyin keklefuɛ'm be kunngba yɛ be ka asiɛ kee'n su-ɔ.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Ezai 64:1

Sɛ a su jra wa'n, wuun a ´yo kɛ sin b'ɔ yra waka kee annzɛ b'ɔ yo man nzue'n ɔ tu'n sa. Sɛ a su jra wa'n, wuun a ´yi ɔ dunman'n i nglo kle ɔ kpɔfuɛ mun, wuun nvle-nvle'm be nunfuɛ'm be ´usu ɔ nyrun

Ezekiɛl 13:14

M ´bubu talɛ bɔ an kɛnnin i ayre'n, n ´su i bo, ɔ ´tɔ asiɛ wun, yɛ i bo takawlɛ'n ɔ ´fite su. Ɔ ´tɔ, kpɛkuun amun ´wu talɛ bubuwa'm be afiɛn. I liɛ'n, amun wa si jrɛiin kɛ min yɛ n ti Anannganman nin-ɔn.

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Zozie 10:24

Kɛ famiɛn'm be juli Zozie nyrun lɛ cɛ'n, ɔ flɛli Izraɛlfuɛ mun nan ɔ'a se alɛ'n su kpɛnngbɛn nga be ukɛli i be kunnin alɛ'n be kɛ: «Amun `wunnge wa nan amun `fa amún ja `tiatia famiɛn nga'm be kɔmin'm be su.» Yɛ kpɛnngbɛn'm be wunngeli lɛ nan b'a fa bé ja b'a tiatia be kɔmin'm be su.

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 11:12

Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.