Abakik 3:11 - NYANMIƐN NDƐ'N 1998

¹¹ Kɛ ɔ ta mma'm bɔ a to be'n be ´kɔ bɔ be ´kpa sin'n, bɔ wuun ɔ cua'm be ´bo mianmian be ´kɔ'n, kpɛkuun bi, wia nin anglo'n b'a jran .

Abakik 3:11 ပူးပေါင်းရင်းမြစ်များ

Jue Mun 19:4

Ninnge sɔ'm be lɛ-man nuan nan b'a kan ndɛ kɛ e fa kan ndɛ'n sa. Be ijɔ-man kɛ e ijɔ'n sa. Be ti-man be nɛn'n.

Ezai 28:21

Anannganman nin sran mun ´nyɛn i kɛ Pɛrazim oka'n su lɔ liɛ'n sa. Ya b'ɔ ´kun i dan'n ti, ɔ ´usu kɛ Gabaɔn lɔ lika kpɛtɛkplɛɛ'n nun lɔ liɛ'n sa, ɔ ´di i junman'n, ɔ ´di i junman sroesroe'n, nguɛ junman tɛtrɛ yɛlɛ nga !

Ezai 38:8

‹Nian, fɔnvɔ'n b'ɔ o Akaz i asikalie'n su'n, bɔ wia'n man ɔ jrali'n, n wa yo man ɔ ´sɛ i sin asikalie'n i kan be tiatia lɛ'n ɔ ´ju i blu su'n su lɔ.› Yɛ sakpa-sakpa, asikalie'n i kan be tiatia lɛ'n i blu bɔ fɔnvɔ'n guali su'n, wia'n ɔ wa sɛli i sin boli lɛ ekun-ɔn.»

Ezai 49:2

Ɔ yoli man ndɛ ng'ɔ fin mín nuan fite'n ɔ kaci kɛ tokofi b'ɔ la kpa'n sa. Ɔ fɛli i sa'n i fɔnvɔ'n katali min su. Ɔ yoli man n kacili kɛ ta mma b'ɔ ti piembie kpa'n sa. Sɛ n ´kwla se'n, ɔ fali min fiali i ta'n i bua'n nun.

Naɔm 3:3

Nnɛn kpanngɔ su fufuɛ'm be kpɛ alɛ ba, tokofi'm be bo sa mianmianmian. Cua'm be kpa sin, be nga b'a tɔ'n be tru lika'n kwlaa nun, fuɛn'm be tian be wiengu su, be kwla-man be ka, bé ja kpla fuɛn'm be su.

Abakik 3:9

A siesie ɔ ta'n i ye. Ɔ ta mma'n yɛlɛ ɔ nda nga a tali mun. A fa nzue ba dandan fa kpaci asiɛ'n nun.

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.