Abakik 3:10 - NYANMIƐN NDƐ'N 1998

¹⁰ Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Abakik 3:10 ပူးပေါင်းရင်းမြစ်များ

Neemi 9:11

A kpɛli jenvie nun mannin be. Be nantili aunnyan siɛ'n su jenvie'n i afiɛn be sinnin. Yɛ be nga be su be su'n, a yoli man be mlɔnnin bunman'n nun kɛ yɛbuɛ bɔ b'a yi i nzue dan nun sa.

Jue Mun 104:32

Kɛ a nian asiɛ'n sa'n, wuun ɔ su keje. Kɛ a kan oka mun nin ɔ sa'n, wuun wɛnsrɛn su fin be nun fite.

Jue Mun 148:7

Asiɛ'n su wa fuɛ mun, an `manman Anannganman. Bunman dandan mun nin amun nun ninnge sroesroe mun o,

Jue Mun 18:15

Ɔ toli i cua mun, kpɛkuun min kpɔfuɛ'm be bo sanndili. Nyanmiɛn'n kplali, ɔ kplali. Ɔ man be wanndili.

Jue Mun 65:13

Nnɛn'm be didiwlɛ nga be o blo lɔ'n, be kusu be yo ye. Sran'm be klun b'ɔ jɔ'n ti be kpan bo sin yia kpɔlɛkpɔlɛ kanngan mun pɛ.

Jue Mun 66:6

Ɔ yoli man jenvie'n i lika'n wie kacili asiɛ kee. Be nanti be ja nun yɛ be kpɛ nzue ba nin-ɔn. Amun man é wun kpaja ye sa dan sɔ'n ti.

Jue Mun 93:3

Jenvie'n bo, ɔ bo kɛ ɔ'a fa ya sa. Ɔ ´bo sɔ tititi.

Ezai 43:20

Blo nnɛn mun o, nsoso mun o, klɔnsoklo mun o, be ´manman min, afin n ´yo man nzue ´tran aawlɛ flɛnnɛn'n nun, yɛ nzue ba'm be ´sonji asiɛ kee'n nun nan min nvle'n nunfuɛ mun bɔ n kpali be'n be `nyan nzue be `nɔn.

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Zeremi 4:24

N wun kɛ oka'm be lɛ kejelɛ, yɛ kpɔlɛ'm be bo nvaka.

Mise 1:4

Kɛ ɔ ´nanti ba'n, wuun oka'm be ´kan ase. Kongokongo'm be kusu be klo, be klo kɛ sin ɔ'a kan awɛma'm be sua nan ɔ su klo sa. Be sonji kɛ wie kusu-ɔ nzue ɔ'a kpɛn ndroliɛ nun nan ɔ su sonji sa.

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Abakik 3:6

Kɛ ɔ jran'n, asiɛ'n keje, kɛ ɔ nian mɛnfuɛ mun'n, kpɛkuun be bo bli srɛ b'ɔ kun be'n ti. Oka'm bɔ be ti be liɛ kɛ yɛbuɛ sa'n, be nun kpacikpaci, kpɔlɛ nga be o lɛ-ɔ nán ndɛ sa'n, be trotro, be yɛ be ti atin b'ɔ sin su laa nin-ɔn.

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Matthieu 8:24

Kpɛkuun aunngban dan kpa kpɛli fɛtɛ'n su, ɔ man nzue'n bo gua alie'n nun, sanngɛ ɔ su lafi.

Hébreu 11:29

Nyanmiɛn su bɔ Izraɛlfuɛ'm be lafi'n ti yɛ Jenvie ɔkwlɛ'n kpacili nan b'a sin nun nin-ɔn. Sanngɛ kɛ Eziptfuɛ'm be waan be ´su be su'n, nzue'n bu katali bé su .

Zozie 4:18

Kɛ Nyanmiɛn nyrun jranfuɛ'm be fuli cenje'n cɛ'n, kpɛkuun yɛ Zurdɛn'n yi sinnin i osu-ɔ, ɔ su sonji kɛ laa'n sa.

Sa nglô yile 16:12

Be nun kun ko utuli i klowa'n nun ninnge liɛ'n nzue ba dan bɔ be flɛ i Efrat'n nun. Nzue'n wieli nun, ɔ man famiɛn'm bɔ be fin wia afiliɛ lɔ'n be nyannin sinwlɛ .

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 6:14

Nyanmiɛn b'ɔ la nglo lɔ plaii'n ɔ nyɔnnyɔnnin kɛ fluwa bɔ be nyɔnnyɔn i'n sa, yɛ oka nin asiɛ nga nzue sin yia be'n be jaoli be osu'n nun lɛ.