Abakik 2:8 - NYANMIƐN NDƐ'N 1998

⁸ Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Abakik 2:8 ပူးပေါင်းရင်းမြစ်များ

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Nyanndra Mun 22:23

Afin Anannganman de i sɔ sran liɛ'm bé ti ndɛ kan. Ɔ sran nga a de yalɛfuɛ i wun ninnge mun'n, Anannganman ´kpɛ ɔ nguan'n i sin.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 33:4

Kɛ ɔ ko yo sɔ'n, wuun ninnge fɛnlɛ'n ɔ'a ju. A wun ninnge fɛnfuɛ mun sa-a ɔ waan lalo mun-ɔn. Be tɔ ninnge'm be su gblu wuun be su fɛn, be ti kɛ aɛcɛ kpanngban wie mun sa.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 27:7

Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Zeremi 30:16

Sanngɛ sɛ n ´kwla se'n, be kwlaa nga be kpisali wɔ, be mɛnnin wɔ bi'n, be ´kpisa be be ´mɛn be bi wie. Be ´tra ɔ kpɔfuɛ'm be kwlaa be ´kɔ. Be nga be sacili ɔ́ bo ninnge mun'n, be ´saci be liɛ'n wie. Be nga be fɛnnin ɔ́ bo ninnge'n, n ´yaci be ninnge liɛ'n kusu lɛ man be ´fɛn.

Zeremi 50:14

Ta tofuɛ mun, an `sin be wa jranjran Babilɔni wun sɛsɛsɛ. Amun `to i wun ta. Nán an se kɛ amun ´yaci ta mma'n wie lɛ. Ɔ fɔnnin Anannganman wun ngboko, an `to i wun ta.

Zeremi 50:28

An `sie amún su be `tie be bɔ be wanndi tɔ blo'n be ndɛ'n. Be bɔ be fin Babilɔni lɔ fite'n, be wa kan Anannganman e Nyanmiɛn i klunngbɔ b'ɔ su tu'n nin i sua'n i ti ngondin b'ɔ tu'n be ndɛ kle Siɔn.

Zeremi 50:37

Be `fa alɛ fuan be nnɛn kpanngɔ mun, be ´fa saci be alɛ kakaklolo mun. Be ´fa tu nvle-nvle nga be nin be ju be kun'n. Man be kaci kɛ bla sin sa. Man sran'm be `tɔ be bo ninnge kpakpa'm be su be fa.

Zeremi 51:13

Nja b'ɔ tran nzue dan'n i nuan'n, nja bɔ i bo ninnge'n be di-man be yalɛ'n, ɔ liɛ ɔ'a wie andɛ .

Zeremi 51:24

Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»

Zeremi 51:44

Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Zeremi 51:48

Kɛ Babilɔni mɛn'n i nunnunfuɛ'n nga be fin nglo lɔ ´ba'n, nganniɛn dan kun ´tɛ asiɛ'n su nin nyanmiɛn su lɔ.» Anannganman'n yɛ ɔ kan sɔ-ɔ.

Zeremi 51:8

Kpɛkuun Babilɔni yɛ ɔ'a a tɔ yɛ, yɛ klowa'n yɛ ɔ'a bo yɛ. Be `sun i! Be `kunndɛ ayre tɛ i kannin'n nun. Sɛ i kannin sɔ'n ɔ ´fafa mɛn i o !

Ezekiɛl 28:16

Wɔ aata dilɛ'n i dan'n ti, a yoli sa kekleekle mun yɛ a yoli sa tɛ. N tuli wɔ min oka'n su lɔ. N kannin ɔ bo, a su tran-man yɛbuɛ nglannglan'm be nun kun.

Ezekiɛl 39:10

Be su fa-man yie blo lɔ, be su kpɛ-man yie bo'n nun lɔ, afin alɛ ninnge'n yɛ be ´fa trɔ sin nin-ɔn. Be ´de be nga be deli be ninnge'n be liɛ mun. Be ´kuakua be nga be kuakuali be'n. Be ´fɛn be nga be fɛnnin bé bo ninnge'n bé bo ninnge liɛ'n.› » Anannganman Nyanmiɛn yɛ ɔ kan sɔ-ɔ.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Abakik 2:10

Gugulɛ tɛ nga amun gugu'n, ɔ ti amun awlofuɛ'm bé nyin ase gualɛ like. Nvle'm be nun sran wlawla nga amun kunnin be'n, ɔ ti amun bɔbɔ amún wun tɛ yolɛ.

Abakik 2:17

Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Zakari 1:15

Ya nga m'an fɛ i nvle nga be fa bé wla gua be bɔbɔ be wun su'n, be wun'n, ɔ ti dan. Ɔ liɛ ya kaan sa bɔ n fɛli i Izraɛl wun'n, i ti ɔ sacili. Nvle sɔ'n bé sa o i sacilɛ sɔ'n nun wie.›

Zakari 14:12

Nvle nga be sonja mun bɔ be nin Zerizalɛmfuɛ'm be ´ba kunlɛ'n, sa nga bɔ Anannganman ´fa wla be nun'n yɛ. Bé wunnɛn'n ´kplɔ sanngɛ wuun bé nyin tɛ o su. Be nyinma'n ´kplɔ bé ti nun, be taaman'n ´kplɔ bé nuan nun.

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»