Abakik 2:7 - NYANMIƐN NDƐ'N 1998

⁷ Be nga bé kalɛ wo amun su'n, kɛ amun ´bo bé nyin bla-a, be lɛ amun alowa'n nun, kpɛkuun be su fɛn amún bo ninnge'n kɛ amun fa fɛnnin be liɛ'n sa.

Abakik 2:7 ပူးပေါင်းရင်းမြစ်များ

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Akunndanfuɛ'n 10:8

Sran ng'ɔ fu kunman'n, i bɔbɔ kwla tɔ nun. Sran ng'ɔ bubu awa'n, wuo kwla kɛ i.

Ezai 11:13

Kɛ ɔ yo sɔ'n, Efraim i kwla silɛ'n ɔ ´wie, yɛ Zida i kpɔfuɛ'm be ´wie nunnun. Efraim i nyin su blo-man Zida wun kun, yɛ Zida i nyin su ci-man Efraim kun.

Ezai 41:25

N ko tuli sran kun bo mɛn'n i nglo lɔ, ɔ fin wia afiliɛ lɔ bali, ɔ bo min dunman. Ɔ tiatia siefuɛ'm be su kɛ be tiatia nnɔtiɛ'n nun'n sa. Ɔ tiatia be su kɛ sɛ wufuɛ ɔ tiatia i ufa'n su sa .

Ezai 46:11

N flɛ anunman nyin kun wia afiliɛ lɔ kɛ ɔ bla, n flɛ sran ng'ɔ ´yo min klun sa'n mɛn mmua-mmua wie nun kɛ ɔ bla. Sa nga n kan'n, n yo i su sa'n. Sa nga m bu i akunndan'n, n yiɛ i nuan.

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Zeremi 8:17

«N wa fa wuo bɔ be lɛ bɔyre kpa'n n ´to amun lɔ. Wuo wlɛfuɛ nga be kan be nun ngowa-a ɔ yo-man ye, be wa ka amun.» Anannganman'n yɛ ɔ kan sɔ-ɔ.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.