Abakik 2:6 - NYANMIƐN NDƐ'N 1998

⁶ Nvle sɔ'm be ´di i asanse, tutrefuɛ sɔ'm bé wun lakaci ndɛ yɛ be ´kan-an, be sri be, be yo be finfin.» «Be ´se kɛ yoo: ‹Be nga sran'm bé bo ninnge'n yɛ be wua be fa yo be liɛ'n, bɔ sran'm be aowa'n yɛ b'a de lele'n, be yako lele. ?Nan cɛn onin ko yɛ be ´yaci i sɔ sa liɛ'n be yolɛ-ɔ?›

Abakik 2:6 ပူးပေါင်းရင်းမြစ်များ

Jue Mun 94:3

Ee Anannganman, cɛn onin ko nan klunwifuɛ'm b'a yaci able silɛ'n? ?Cɛn onin ko?

Nyanndra Mun 22:16

Sran ng'ɔ kle yalɛfuɛ'n i yalɛ'n, wuun ɔ su mɛn i anyanbeun. Sran nga kusu b'ɔ cɛ wlengbifuɛ like'n, i bɔbɔ di yalɛ.

Ezai 10:13

Afin Asiri famiɛn'n seli kɛ: «Min bɔbɔ min wunmiɛn'n yɛ n fa n dili junman ng'ɔ o lɛ'n kwlakwla-a. Min ngwlɛlɛ'n yɛ n fa yoli i kwlakwla-a, afin n ti akunndanfuɛ. N sieli nvle-nvle'm be anyialiɛ'm be uflɛ. N fali nvle-nvle'm be nunfuɛ'm bé anwlɛn su ninnge mun. Kɛ bɔ n lɛ nyrun'n ti'n, n yoli man famiɛn'm be tɔli.

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Zeremi 50:13

Anannganman ɔ'a fɛ i wun ya. I ti sran tran-man nun kun. I ti ɔ ´kaci flɛnnɛn! Sran nga be ´sin Babilɔni'n, kɛ be wun sa ng'ɔ juli i su'n, be ´yo i finfin. Kɛ be wun sacilɛ bɔ ɔ'a saci'n, be srisri i.

Ezekiɛl 32:21

Blɔlɔ lɔ'n safunyrɛn mun nin kpɛnngbɛn nga be mantan Eziptfuɛ mun'n be kpan kɛ: ‹Nvle-nvlefuɛ bɔ alɛ'n ɔ dili be'n, be su jra nan be nin ye ´la wa.

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»

Abakik 1:15

Babilɔnifuɛ'm be tra sran'm be kɛ be fa kowa be san jue mun'n sa. Be cuɛn be guɛ i be lala nun, kpɛkuun be klun ɔ'a jɔ lele ɔ'a tratra su.

Abakik 2:12

Sran ng'ɔ fa sran kunlɛ fa kplan klɔ kun'n, sran ng'ɔ fa sran'm be abɔlɛ yolɛ'n fa kplan klɔ'n, i yako lele!

Abakik 2:13

Mɛnfuɛ'm be ´kle bé wun yalɛ ngbɛn. Junman nga be ´di i lɛ'n, san sin'n yɛ ɔ ´di-ɔ. Anannganman b'ɔ sie mɛn wunmuan'n yɛ ɔ di i sɔ junman liɛ'n ngba-a.

Kalɛ 23:18

Balaam seli kɛ: «Zipɔr wa Balak, jaso nan sie ɔ su kpa,

Kalɛ 23:7

Balaam seli kɛ: «Moab famiɛn Balak ko flɛli min Siri mɛn'n nun lɔ oka-oka lika'n nun lɔ kɛ m bla wa. Ɔ seli min kɛ: Bla nan w'a bo Izraɛlfuɛ'm bɔ be ti Zakɔb i osu'n nunfuɛ'm be sannzan. Yo nan nyrɛnnɛn `tɔ bé su.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.