Abakik 2:2 - NYANMIƐN NDƐ'N 1998

² Kpɛkuun Anannganman'n tɛli min su kɛ: «Sa nga n su wa yi be nglo n kle wo yɛ'n, klɛ be tɛbua bue kanngan'm be su kɛ ɔ ko yo nan b'a kwla kanngan be weiin'n ti.

Abakik 2:2 ပူးပေါင်းရင်းမြစ်များ

Ezai 30:8

Anannganman seli Ezai kɛ: «Klɛ ndɛ sɔ mun like kun su. Yɛ klɛ be fluwa kun nun. Klɛ be Zerizalɛmfuɛ'm be nyrun lɛ. Klɛ nan ɔ `ka lɛ tititi, nan ɔ `yo lalofuɛ cɛn wie.»

Ezai 8:1

Anannganman seli min kɛ: «Fa like paplapa dan kun nan klɛ su weiin man be wun i. Klɛ su kɛ: ‹Be `fɛn ninnge'n ndɛndɛ, be `kan bé wun be `ko fa ninnge'n.› »

Zeremi 30:2

«Min bɔ n ti Anannganman'n bɔ n ti Izraɛl Nyanmiɛn'n, min wan yoo: ‹Ndɛ nga n kan kleli wɔ'n, klɛ be kwlakwla'n fluwa kun nun.›

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Daniɛl 7:1

Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

1 Korɛntfuɛ Mun 14:19

sanngɛ asɔnun'n nun sɛ n kan ndɛ bɔ n wun i wlɛ'n kpɔlɛ nnun n fa kle sran mun'n, ɔ ´yo n fɛ tra kɛ n kan ndɛ kpɔlɛ akpi blu (10.000) aniɛn wie nun'n.

2 Korɛntfuɛ Mun 3:12

E wla'n bɔ e fa guɛ i su kɛ nga sa'n ti yɛ man e kan ndɛ sɔ'n weinwein nin-ɔn.

Mmla'n 27:8

Kpɛkuun amun `fa mmla nga i nun ndɛ'n kwlaa amun `klɛ be yɛbuɛ sɔ'm bé su, man ɔ fite kpa weiin.»

Mmla'n 31:19

Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

Mmla'n 31:22

Cɛn sɔ nun'n Moiz kali lɛ klɛli jue sɔ'n, yɛ ɔ fa kleli Izraɛlfuɛ mun.

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»

Sa nglô yile 19:9

Anz'n seli min kɛ: «Klɛ kɛ: ‹Be nga be yiali be Bua Gbanflɛn'n i atɔnvlɛ falɛ'n i aliɛ dilɛ'n bo'n, be liɛ su ti ye!› » Yɛ ɔ seli min kɛ: «Ndɛ sɔ'm be ti Nyanmiɛn ndɛ sakpa.»