Abakik 2:19 - NYANMIƐN NDƐ'N 1998

¹⁹ Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.

Abakik 2:19 ပူးပေါင်းရင်းမြစ်များ

Jue Mun 135:15

Nvle kun nga'm be amuɛn mun'n, jɛtɛ ufuɛ annzɛ sika ɔkwlɛ yɛ be fa yi be-ɔ. Be ti sran sa nuan like.

Jue Mun 135:17

Be lɛ su sanngɛ be ti-man sa. Be de-man wunmiɛn bɔ kaan sa.

Jue Mun 97:7

Be nga waka sran mun yɛ be sɔ be'n, bɔ be manman ninnge finfin mun'n, be ´wun nyannzuɛn. Ɔ lɛ-man amuɛn kun b'ɔ bu-man Nyanmiɛn like-ɔ.

Ezai 26:14

Sran nga be wu'n, be sa-man bé sin nguan'n nun kun. Sran nga be sin wie nun'n, be jaso-man kun. A bali, a wa nunnunnin be, a yoli man bé wla fili be su mlɔnmlɔnmlɔn.

Ezai 40:19

Sran'm bɔ bé sa si ngwlɛlɛ'n, be yɛ be yi amuɛn mun-ɔn, be yɛ be klo like kɛ blalɛ sa'n be fa yo be-ɔ. Yɛ ajuin difuɛ'm be klo sika ɔkwlɛ gua amuɛn sɔ'm bé wun, kpɛkuun be fa jɛtɛ ufue jrɔkɔ kanngan sende-sende bé wun.

Ezai 41:26

?Wan yɛ ɔ dun mmua kannin sa sɔ'n bɔ man e kwla sili nun-ɔn? ?Wan yɛ ɔ dun mmua boli su lele nan ɔ'a ju bɔ man e kwla seli kɛ: «I ndɛ yo fɛ-ɔ?» Sran fi a kan-man, sran fi a ti-mɛn i kɛ be su kɛn i sɔ ndɛ, yɛ sran fi a kan-man amun nuan nun ndɛ fi y'a ti-man.

Ezai 44:17

Ɔ fɛ i onga'n fa yo amuɛn, ɔ fa sɛ waka sran, ɔ su i, ɔ koto i bo, ɔ kpan flɛ i. Ɔ se kɛ: «De min! Afin wɔ yɛ n sɔ wɔ-ɔ.»

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Zeremi 10:14

Sran'm be kwlaa be kaci sinnglinfuɛ. Be wun-man sa wlɛ. Ajuin difuɛ nga be yi amuɛn ba'n be wun nyannzuɛn. Be wun kɛ bé sa nuan like sɔ'n be ti finfin like. Nguan fi nun-man be nun.

Zeremi 10:3

Nvle kun nga'm be ninnge nga be yo'n ɔ ti finfin like. Be ko kpɛ waka bo nun, ajuin difuɛ'n fɛ i soma'n fa sɛ.

Zeremi 10:4

Be fa jɛtɛ ufue annzɛ sika ɔkwlɛ be klo guɛ i wun be fa yo i klanman. Kpɛkuun be fa kpɛngbɛ be fa trɛ i ase nan ɔ'a tɔ-man.

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Zeremi 2:27

Be ko se waka'n kɛ: ‹A ti mín si.› Be ko se yɛbuɛ'n kɛ: ‹Wɔ yɛ a wuli min-ɔn.› Be nian-man min nyrun kun. Be kaci bé sin si min. Sanngɛ kɛ sa'n ɔ wa nyan be'n, kpɛkuun wuun be ´su kpan be ´sun flɛ min kɛ: ‹Bla a de ye.›

Zeremi 2:28

?Zidafuɛ mun amuɛn nga amun yili be'n be o nin? Sɛ be kwla de amun'n, man be wa de amun blɛ bɔ nyrɛnnɛn'n tɔ amun su'n. Afin amun amuɛn kpanngban nin amun klɔ mun be nuan'n sɛ.»

Zeremi 51:17

Sran'm be kwlaa be yo sinnzin, sa wlɛ bɔ be wun-man'n ti. Ajuin difuɛ nga be yi amuɛn mun'n, be wun nyannzuɛn. Be wun kɛ bé sa nuan like sɔ'n ɔ ti finfin like. Nguan fi nun-man be nun.

Zeremi 51:47

Nan yoo: Cɛn wie lele e nin Babilɔni amuɛn mun e ´yia nun. Ɔ man Babilɔni mɛn wunmuan'n ɔ ´wun nyannzuɛn. Lɔfuɛ nga be wu'n, be fuɛn'n ´yo wannzo.

Daniɛl 3:1

Famiɛn Nɛbikadnɛzar man be yoli sika ɔkwlɛ sran kun. I nglo-nglo su'n ti mɛtri ablasan, yɛ i tɛtrɛ nun'n ti mɛtri nsan. Be ko tɛkɛli i Dira lɔ lika kpɛtɛkplɛɛ'n nun Babilɔni akpasua'n su.

Daniɛl 3:18

Nannan, kannzɛ ɔ yo sɛ, ɔ fata kɛ a si kɛ e su sɔ-man wɔ amuɛn mun, yɛ e su su-man ɔ sika ɔkwlɛ sran bɔ a takali'n .»

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 3:7

I sɔ'n ti, kɛ nvle-nvle'm be nunfuɛ'm bɔ be fin mɛnmɛn'm be nun'n, bɔ be kan aniɛn wafa-wafa'n be kwlaa'n, be tili awɛ'n, nin blo'n, nin sanngo'n, nin aluku'n, nin kote'n, nin ngowa ninnge wafa-wafa'm be tɛlɛ'n, be kotoli yɛ be utuli be nyin ase nan b'a su sika ɔkwlɛ sran nga famiɛn Nɛbikadnɛzar takali'n.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Daniɛl 5:4

Be kwlaa sɔ'm be nɔnnin nzan, ɔ tili be kpa, kpɛkuun be manmannin amuɛn nga be fali sika ɔkwlɛ, nin jɛtɛ ufue, nin aaba, nin blalɛ, nin waka, ɔ nin yɛbuɛ be yoli'n.

Zonas 1:5

Mmeli'n i kanfuɛ'm be klun titili be kpa. Ɔ lɛ-man be nun kun bɔ ɔ'a jrɛn-mɛn i amuɛn'n su-ɔ. Trɔ nga be o mmeli nun'n, be to be guali nzue'n nun kɛ ɔ ´yo nan mmeli'n ɔ'a yo fokofoko'n ti. Kɛ ɔ ´yo sɔ'n, wuun Zonas ɔ'a jra mmeli'n i bo mmua lɔ ɔ'a lafi kpa bliin.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nglô yile 17:4

Bla sɔ'n kla tannin bɔ ti ɔkwlɛ kankankan, nin tannin ɔkwlɛ youun. Sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa be o i wun. Sika klowa o i sa nun. I tekle bolɛ like kainkain bɔ be ti tɛtɛ kpa'n ɔ'a yi i .