Abakik 2:18 - NYANMIƐN NDƐ'N 1998

¹⁸ ?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Abakik 2:18 ပူးပေါင်းရင်းမြစ်များ

Jue Mun 97:7

Be nga waka sran mun yɛ be sɔ be'n, bɔ be manman ninnge finfin mun'n, be ´wun nyannzuɛn. Ɔ lɛ-man amuɛn kun b'ɔ bu-man Nyanmiɛn like-ɔ.

Ezai 1:31

Sran b'ɔ lɛ wunmiɛn'n, ɔ ´yo kɛ nyan-man b'ɔ ti futrɛ-futrɛ'n sa. Yɛ i junman'n, ɔ ´kaci kɛ sin taaman sa. Ɔ nin i junman'n be nnyɔn be ´yra likawlɛ, sran fi su nuan-man be.

Ezai 40:19

Sran'm bɔ bé sa si ngwlɛlɛ'n, be yɛ be yi amuɛn mun-ɔn, be yɛ be klo like kɛ blalɛ sa'n be fa yo be-ɔ. Yɛ ajuin difuɛ'm be klo sika ɔkwlɛ gua amuɛn sɔ'm bé wun, kpɛkuun be fa jɛtɛ ufue jrɔkɔ kanngan sende-sende bé wun.

Ezai 41:26

?Wan yɛ ɔ dun mmua kannin sa sɔ'n bɔ man e kwla sili nun-ɔn? ?Wan yɛ ɔ dun mmua boli su lele nan ɔ'a ju bɔ man e kwla seli kɛ: «I ndɛ yo fɛ-ɔ?» Sran fi a kan-man, sran fi a ti-mɛn i kɛ be su kɛn i sɔ ndɛ, yɛ sran fi a kan-man amun nuan nun ndɛ fi y'a ti-man.

Ezai 42:17

Be nga bɔ be fa bé wun wla amuɛn'm be sa nun'n, be nga be se like nga be klo be sin nun be fa yo amuɛn ba'm be kɛ: «Amun ti e Nyanmiɛn'n,» be sɔfuɛ'm be ´su siɛn, yɛ nyannzuɛn'n ´kun be kpo.

Ezai 44:12

Kɛ blalɛ bofuɛ'n ɔ ´bo kpɛliɛ'n, ɔ wlɛ i sin nun. I kunngba nin-ɔn, kɛ ɔ ´yi amuɛn'n kɛ ɔ yo i sɔ-ɔ, i sin ɔ fa marto finfin su. Ɔ fɛ i wunmiɛn'n kwlaa yɛ ɔ fa yo-ɔ. Sanngɛ kɛ awe kun i'n, kpɛkuun ɔ lɛ-man wunmiɛn kun, yɛ sɛ ɔ'a nɔn-man nzue'n, kpɛkuun ɔ su fɛ.

Ezai 45:16

Be nga be yo amuɛn mun'n, nyannzuɛn'n ɔ'a kun be kpo, bé nyin'n ɔ'a gua ase, be kan bé ti ase yɛ be kɔ-ɔ.

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Zeremi 51:17

Sran'm be kwlaa be yo sinnzin, sa wlɛ bɔ be wun-man'n ti. Ajuin difuɛ nga be yi amuɛn mun'n, be wun nyannzuɛn. Be wun kɛ bé sa nuan like sɔ'n ɔ ti finfin like. Nguan fi nun-man be nun.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Zonas 2:8

Blɛ bɔ n wuli wieli'n, bɔ wunmiɛn fi nun-man min nun kun'n, mín nyin kpɛnnin wɔ su. Ɔ kusu, kɛ a o ɔ́ sua'n b'ɔ ti ɔ liɛ klonglo'n nun lɔ'n, a tili min srɛwa'n.

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

1 Korɛntfuɛ Mun 12:2

An si kɛ i nun bɔ an tɛ sɔ amuɛn'n, an su amuɛn bɔ be ijɔ-man'n bé su.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

Jɔlɛ Difuɛ Mun 17:4

Sanngɛ ɔ fali sika'n mannin i nin ekun, nan i nin ɔ'a fa nun jɛtɛ ufue mma ya nnyɔn. Ɔ fa mannin ajuin difuɛ'n nan ɔ'a fa yi sika sran nan ɔ'a klo aaba a guɛ i wun. Yɛ be fa sieli i Mika i sua lɔ-ɔ.

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.