Abakik 2:17 - NYANMIƐN NDƐ'N 1998

¹⁷ Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Abakik 2:17 ပူးပေါင်းရင်းမြစ်များ

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Jue Mun 55:23

Fa sa ng'ɔ o ɔ́ su'n kwlaa wlɛ i Anannganman sa nun, ɔ ´suan ɔ bo. Ɔ su yaci-mɛn i sufuɛ kpa'n lɛ man srɛ kun-mɛn i nan i wun usu-mɛn i .

Nyanndra Mun 28:17

Sran ng'ɔ kun sran b'ɔ lɛ i wun-ɔn, ɔ lafi-man b'ɔ kunndɛ kɛ ɔ ´kun i wun wie ndɛndɛ'n, sɛ ɔ ´kɔ i wun kunlɛ'n, be `yaci i nun, nán be trɛ i.

Zeremi 50:14

Ta tofuɛ mun, an `sin be wa jranjran Babilɔni wun sɛsɛsɛ. Amun `to i wun ta. Nán an se kɛ amun ´yaci ta mma'n wie lɛ. Ɔ fɔnnin Anannganman wun ngboko, an `to i wun ta.

Zeremi 50:28

An `sie amún su be `tie be bɔ be wanndi tɔ blo'n be ndɛ'n. Be bɔ be fin Babilɔni lɔ fite'n, be wa kan Anannganman e Nyanmiɛn i klunngbɔ b'ɔ su tu'n nin i sua'n i ti ngondin b'ɔ tu'n be ndɛ kle Siɔn.

Zeremi 51:24

Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»

Ezekiɛl 28:16

Wɔ aata dilɛ'n i dan'n ti, a yoli sa kekleekle mun yɛ a yoli sa tɛ. N tuli wɔ min oka'n su lɔ. N kannin ɔ bo, a su tran-man yɛbuɛ nglannglan'm be nun kun.

Ezekiɛl 31:16

Blɛ bɔ n yoli bɔ waka sɔ'n ɔ tɔli b'ɔ toli be nga be o blɔlɔ lɔ'm be lɔ'n, nvle-nvle nga be tili i ngan'n be usuli sa tututu srɛ b'ɔ kunnin be'n ti. Blɔlɔ lɔ'n, Edɛni waka'm be kwlaa bɔ be ti waka nglanman, bɔ nzue o be su tititi tra Liban lɔ waka'm be kwlaa'n, be klun jɔli.

Abakik 1:17

?Nan be ko yaci-man be tokofi'm be cuɛnlɛ nvlefuɛ'm be wun? ?Be ko yaci-man sran'm be nyrɛnnɛn kunlɛ'n sa mlɔnmlɔn?

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Zakari 11:1

Liban, tike wɔ anuan mun man sin n di ɔ sɛdri waka mun.