Abakik 2:13 - NYANMIƐN NDƐ'N 1998

¹³ Mɛnfuɛ'm be ´kle bé wun yalɛ ngbɛn. Junman nga be ´di i lɛ'n, san sin'n yɛ ɔ ´di-ɔ. Anannganman b'ɔ sie mɛn wunmuan'n yɛ ɔ di i sɔ junman liɛ'n ngba-a.

Abakik 2:13 ပူးပေါင်းရင်းမြစ်များ

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 50:11

Amun kwlaa nga amun sɔ sin nuan'n, bɔ amun sɔ ta mma'm be nuan'n, amun ´wlu amun bɔbɔ amún sin sɔ'n nun, amun ´wlu ta mma nga amun sɔli be nuan'n be afiɛn. Anannganman yɛ man amun ´yo sɔ-ɔ. Amun ´tran nyrɛnnɛn'n nun.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Zeremi 51:58

I kunngba'n i wan yoo: «Babilɔni klɔ'n i wun talɛ gbendengble mun, be ´wie bubu. I anuan nglo-nglo mun'n, sin'n ´di be ngba. Sran nga be ´di i sɔ junman'n, be ´fɛ ngbɛn. Be ´di i sɔ junman'n be ´man sin'n .»

Zeremi 51:64

Kpɛkuun se kɛ yoo: ‹Kɛ Babilɔni i liɛ'n ´wie kɛ nga sa. Nyrɛnnɛn nga Anannganman'n ´fa yi i su'n, ɔ su fin-man nun fite-man kun. Sran'm be ´fɛ ngbɛn .› » Zeremi i ndɛ'n i awieliɛ'n yɛ.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.