Abakik 2:1 - NYANMIƐN NDƐ'N 1998

¹ Sa ng'ɔ yo-man min fɛ bɔ n fa usali Anannganman'n ti, n ´ko tran klɔ'n i wun talɛ'n su kɛ be nga be sasa klɔ'n be fa yo'n sa, nan n ti ndɛ ng'ɔ ´kan kle min'n, nan n kusu n ´wun nga n ´fa tɛ i su'n.

Abakik 2:1 ပူးပေါင်းရင်းမြစ်များ

2 Samiɛl 18:24

Kɛ ɔ ´yo sɔ'n, wuun David ti anuan nnyɔn'm be afiɛn. Sran ng'ɔ sasa klɔ'n ko jrannin klɔ'n i wun talɛ'n su sua'n i ti su nglo. Ɔ ´nian-an, sran kun yɛ ɔ ´wanndi ba yɛ, i kunngba.

2 Famiɛn Mun 17:9

Be fiali be yoli sa nga be ti-man su'n, bɔ be kun Anannganman be Nyanmiɛn'n i ya'n. Be kplannin sraka yiwlɛ lika bɔ be o kpɔlɛ'm be su be klɔ'm be kwlaa su. Be kplannin wie mun klɔ nga be sisi bé wun'n be su. Yɛ be kplannin wie lika fleiinfleiin nga be jran be su be sasa klɔ mun'n be su.

2 Famiɛn Mun 9:17

Sran ng'ɔ o nglo sua'n su lɔ b'ɔ nian klɔ'n su'n, ɔ ´nian-an, Zei nin i su sufuɛ mun yɛ be ´ba yɛ. Yɛ ɔ kpannin-ɔn: «N wun kɛ sran wie'm be ba.» Yɛ Zɔram waan: «Sunman nnɛn kpanngɔ fufuɛ kun man ɔ ko kpa be atin, nan ɔ `usa be kɛ: ‹?Amun ba wɛtɛɛ su?› »

Zɔb I Nyrɛnnɛn Wunlɛ 31:35

?N ´nyan waan yɛ ɔ ´fɛ i su sie min nuan bo-ɔ? N kannin min ndɛ kasiɛn'n, min waan Nyanmiɛn b'ɔ kwla like kwlaa yo'n, `tɛ min su. Sa nga bɔ min kpɔfuɛ'n ɔ klɛli i mín wun'n,

Zɔb I Nyrɛnnɛn Wunlɛ 31:37

N ´kan ajalɛ kwlaa nga n tuli'n i nun ndɛ n ´kle Nyanmiɛn. Kɛ n ´kɔ i nyrun'n, n ´nanti kpa kɛ famiɛn ba wie sa.

Jue Mun 5:3

Min famiɛn, min Nyanmiɛn, sie ɔ́ su tie flɛlɛ bɔ n flɛ wɔ'n, afin wɔ yɛ n srɛ wɔ-ɔ.

Jue Mun 85:8

Anannganman, yi ɔ klun-ufue'n i nglo kle ye, yɛ de ye.

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Ezai 21:5

B'a fa aliɛ'n b'a sie i tabli'n su, gladi difuɛ'm b'a jranjran. Kpɛnngbɛn'm be su di like, be su nɔn nzan, kpɛkuun be ti kpanlɛ! Be ti i kɛ: «Famiɛn i awlo lɔ sran dandan mun, amun `jaso! Amun `fa amun alɛ ninnge mun!»

Ezai 21:6

Afin Anannganman seli min kɛ: «Ko fa klɔ'n i sasafuɛ'n kun sie, man ɔ di i junman'n, man ɔ kan sa ng'ɔ wun i'n.

Ezai 21:8

Kpɛkuun sran nga b'ɔ nian lika'n su'n ɔ kpannin kɛ asɔmɔli sa. I waan: «Min Min, kɛ ɔ fɛ nglɛmun lele b'ɔ ´fa ju nnɔsua'n, n jin lika fleiin'n su n nian-nian, yɛ kɔnguɛ kwlaa n jin wa, n nian-nian.

Ezai 62:6

Zerizalɛm, n fali be bɔ be kpla klɔ'n be wie sieli ɔ talɛ'n su. Kɔnguɛ nin wia su be su muan-man bé nuan. Amun nga amun yo bɔ Anannganman i wla kpɛn Zerizalɛm su'n, nán amun de wunmiɛn.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Ezekiɛl 3:17

«Klɔ sran, n ´fa wɔ n sie Izraɛl nvle'n su kɛ gladi difuɛ sa. Tie ndɛ nga n kan kle wɔ'n, bo su kle Izraɛlfuɛ mun .

Ezekiɛl 33:7

Klɔ sran, wɔ yɛ n sieli wɔ kɛ gladi difuɛ sa Izraɛlfuɛ'm be jɔ bolɛ'n ti. Sie ɔ́ su nan tie min ndɛ nan bo sa nga be wa ju'n be jɔ kle Izraɛlfuɛ mun.

Mise 7:7

Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

2 Korɛntfuɛ Mun 13:3

I sɔ'n nun amun ´wun like nga an kunndɛ'n i wlɛ, yɛ amun ´si kɛ Krist yɛ ɔ fɛ i ndɛ'n wla min nuan yɛ n kan-an. Like ng'ɔ yo man amun'n bɔ an wun i'n, i kwlaa'n ɔ kle kɛ ɔ ti-man fuɛnfuɛ, ɔ kle kɛ ɔ kwla like'n kwlaa yo.

Galasifuɛ Mun 1:16

Kɛ ɔ klo kɛ ɔ ´yi i Wa'n nglo kle min nan n kɛn i ndɛ'n kle be nga be ti-man Zuif'n, m'an ko kunndɛ-mɛn i wun ngwlɛlɛ sran wie sa nun.