Abakik 1:9 - NYANMIƐN NDƐ'N 1998

⁹ Like fɛnlɛ ti yɛ be kwlaa'n be ba-a. Be ´ba'n, be nian-man bɛ nin fama, be nyrun ndɛnman su yɛ bé nyin ta-a. Be nga be tra be lomuɛn'n, be tian bé nuan zɔ kɛ aunnyan sa, be si-man bé nuan.

Abakik 1:9 ပူးပေါင်းရင်းမြစ်များ

Bo Bolɛ 41:49

Ble nga Zozɛf man be tiɛnnin i nuan'n, i like bɔ be fa sunnzun i ɔ yo ye'n yɛlɛ jenvie nuan aunnyan'n. Sɔnlɛ dan bɔ ble sɔ'n sɔnnin'n ti be yacili i kalɛ siɛn'n, b'a kwlɛ-mɛn i ka kun.

2 Famiɛn Mun 12:17

Afiɛn siesielɛ tɛ mun, ɔ nin Anannganman i kpatalɛ tɛ'm bé ti sika'n, be fa ba-man Anannganman i sua'n nun. I sɔ sika liɛ'n ti Nyanmiɛn nyrun jranfuɛ'm be liɛ.

Zɔb I Nyrɛnnɛn Wunlɛ 29:18

I sɔ'n ti, min waan n ´wu m bɔbɔ min awlo'n nun. Kpɛkuun n ´sa min sin n ´nyan nguan ekun, yɛ n ´cɛ kpa.

Jue Mun 139:18

Sɛ be kan aunnyan ngba kwlaa bo nun'n, i nɔnnin tra be ngba. N lafi lele n ´tinnge-ɔ, e nin wɔ-ɔ.

Ezai 27:8

Cɛcɛ, ɔ yoli man be bo sanndili, be trali be lomuɛn ɔli mɛn uflɛ nun. Ɔ yo kɛ wia afiliɛ lɔ aunngban b'ɔ yo sro'n, b'ɔ fita like mun kɔ'n sa.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Ezekiɛl 17:10

?Be ta-a, ɔ ´kwla yo kpa ekun? ?Sɛ wia afiliɛ aunngban ɔ kɛn i'n, ɔ su wu-man kee? Ɔ ´wu kee kan be tɛli i lɛ b'ɔ yoli kpa lɛ'n .› »

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Daniɛl 11:17

I sin, ɔ wa ba ɔ nin famiɛn diwlɛ'n nun alɛ ninnge dandan'n kwlaa. Ɔ wa yo i wun kɛ sa fi nun-mɛn i klun sa. Ɔ wa fɛ i wa bla'n ´fa man Ezipt famiɛn'n, kɛ ɔ ´yo nan ɔ'a nyan famiɛn sɔ'n nan ɔ'a nunnun i mɛn'n ti. Sanngɛ i gblɛ sɔ'n ɔ su yo-man ye.

Ndɛ Nga Nyanmiɛn I Nuan Ijɔfuɛ Oze Kannin'n 13:15

Efraimfuɛ'm b'a yo kpa be lika'n nun lɛ, sanngɛ aunngban klakla'n kusu i ja o atin nun ɔ su ba, Anannganman yo man aunngban sɔ'n ɔ fin aawlɛ flɛnnɛn'n nun lɔ yɛ ɔ ba-a. Ɔ man be nzue ti'n ɔ wu kee, ɔ man be nzue gbo'n ɔ ´wie nun. Be kpɔfuɛ'm be wa fɛn be trɔ'n nun ninnge kpakpa mun weiin.»

Abakik 1:17

?Nan be ko yaci-man be tokofi'm be cuɛnlɛ nvlefuɛ'm be wun? ?Be ko yaci-man sran'm be nyrɛnnɛn kunlɛ'n sa mlɔnmlɔn?

Abakik 1:6

Babilɔnifuɛ bɔ be si-man aunnvuɛ'n, bɔ be ti aeliɛ tɛfuɛ'n, bɔ be su wa wlu mɛn'm be nun asiɛ wunmuan su'n, m'an fa be, be o balɛ. Be ´ba be wiengu'm be lika'm bé sa nun delɛ .

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.

Jɔlɛ Difuɛ Mun 7:12

Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n nun be ta oka i kongo nun kɛ lalo mun sa. Be nyɔnngɔnmɛn'm be kusu be sɔnnin kɛ jenvie nuan aunnyan'n sa.