Abakik 1:8 - NYANMIƐN NDƐ'N 1998

⁸ Be nnɛn kpanngɔ'm be kwla wanndi be tra kangale. Be wun yo mmlɛ tra blo alua'm bɔ be di kɔnguɛ koniɛn'n. Kɛ be nnɛn kpanngɔ fufuɛ'm be fin mmua lɔ be ´ba'n, be tu sa bɛiin, kpɛkuun be jra lɔ kli! Be nnɛn kpanngɔ'm be fin mmua lɔ be tu kɛ anunman nyin b'ɔ su fuan i nnɛn'n sa.

Abakik 1:8 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:26

Sɛ n ´kwla se'n, be kɔ ndɛndɛ kɛ mmeli bɔ be fa ndɛma yoli'n sa. Be kɔ ndɛndɛ kɛ anunman nyin'n ɔ fa jra nnɛn'm be su kli'n sa.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Zeremi 48:40

Anannganman'n wan yoo: ‹Like'n tu sin kɛ anunman nyin sa. Ɔ trɛtrɛ i ndɛwa'n nun Moab su.›

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 50:42

Bé sa nun ta nin cua. Be yo wlɛ, be si-man sran aunnvuɛ. Kɛ be kpan sa'n, ɔ waan jenvie'n yɛ ɔ su bo-ɔ. Be o be nnɛn kpanngɔ'm be su. B'a jranjran tɛɛn cɛ! Babilɔni, be nin wɔ yɛ b'a ba kunlɛ-ɔ.

Ngwlɛ Yilɛ 4:19

E yalɛ klefuɛ'm bé wun yo mmlɛ tra anunman nyin b'ɔ tu sin nglo lɔ'n. Be fuan e sin oka'm bé su. B'a sua-sua e wun aya aawlɛ flɛnnɛn nun sa trutrɛɛ.

Ezekiɛl 17:12

«Usa osu nga i nun sran'm bé nyin su ti klekle'n be kɛ: ‹?Amun si-man nyanndra nga i bo'n?› Se be kɛ: ‹Nian, Babilɔni famiɛn'n ɔli Zerizalɛm, ɔ trali famiɛn'n nin i awlo lɔ sran dandan mun, ɔ fali be ɔli Babilɔni lɔ .

Ezekiɛl 17:3

Se be kɛ: ‹Anannganman Nyanmiɛn'n wan yoo: Anunman nyin dan bɔ i ndɛwa'm be ti dandan vugba-vugbaa, bɔ i ndrɛ'm be ti tɛnndɛn'n, b'ɔ ti klanman toto nun'n, ɔ ɔli lele juli Liban yɛ ɔ ko kpɛli waka nga be flɛ kɛ sɛdri i ti'n su.

Ezekiɛl 26:11

Be nnɛn kpanngɔ'm bé ja'm be ´tia atin'm be kwlaa be su. Ɔ ninnge nga a taka be'n bɔ ɔ fa di ɔ nuan'n, be ´bu tɔ asiɛ wun.

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Naɔm 2:5

Kakaklolo'm be sin akpɔ'm be su nin lika'm be nun kɛ sran bɔ b'a bo fia sa. A wun be sa-a ɔ waan tɛ yɛ b'a sɔ-ɔ. Be sin ndɛndɛ kɛ nyanmiɛn'n su kpa sin sa.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Matthieu 24:28

Lika nga like fuɛn o lɛ'n, lɛ yɛ apɛtɛkuasi'm be yia-a .»

JÉSUS-CHRIST I DYASIN FE'N BO LUC KLELI'N 17:37

Yɛ i sɔnnzɔnfuɛ'm be usɛli i kɛ: «?Nannan, ninfan yɛ sa sɔ'm be ´yo-ɔ?» Yɛ ɔ seli be kɛ: « Lika nga like fuɛn o lɛ'n, lɛ yɛ apɛtɛkuasi'm be yia-a.»

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.