Abakik 1:6 - NYANMIƐN NDƐ'N 1998

⁶ Babilɔnifuɛ bɔ be si-man aunnvuɛ'n, bɔ be ti aeliɛ tɛfuɛ'n, bɔ be su wa wlu mɛn'm be nun asiɛ wunmuan su'n, m'an fa be, be o balɛ. Be ´ba be wiengu'm be lika'm bé sa nun delɛ .

Abakik 1:6 ပူးပေါင်းရင်းမြစ်များ

2 Famiɛn Mun 24:1

Zozakim blɛ su'n, Nɛbikadnɛzar b'ɔ ti Babilɔni famiɛn'n nin i sonja'm be fali Zida mɛn'n, nan Zozakim ɔ'a su i afuɛ nsan. I sin'n Zozakim jasoli famiɛn'n i wun.

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

2 Be Nyoliɛ 36:6

Nɛbikadnɛzar b'ɔ ti Babilɔni famiɛn'n wa fali Zozakim i mɛn'n. Ɔ cili i klɛnnɛnklɛnnɛn ɔ nin aaba bɔ be yoli i tianman-tianman kɛ nyanman sa'n, yɛ ɔ fɛ i ɔli Babilɔni.

Ezai 23:13

Amun `nian, Kaldefuɛ'm be lɛ-man nyrun kun, Asirifuɛ'm be fali bé mɛn'n mannin aawlɛ flɛnnɛn'n nun nnɛn mun. Kaldefuɛ sɔ'm be su kplan like fleinflein mun nan be ´jran su be kun alɛ. Be su saci Tir lɔ sua kpakpa mun, be su bubu be weiin.

Zeremi 13:20

«Zerizalɛm, man ɔ nyin'n su nian be bɔ be fin mɛn'n i nglo lɔ be su ba'n. ?Ɔ sran nga be fa be mannin wɔ'n be o nin? ?Ɔ sran sɔ mun bɔ man be ti a lɛ nyrun'n be o nin?

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 30:5

I waan: «Awlaboɛ nganniɛn tɛ, srɛ kun sran sɔ nga be kpan'n. Bé wla ti-man ase guawa.

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:6

An `sie nzɔliɛ b'ɔ kle kɛ alɛ su ba Siɔn bue liɛ'n su lɔ. An `wanndi nán an jran. Afin nyrɛnnɛn sa sɔ'n nin sacilɛ dan sɔ'n, n fa fin mɛn'n i nglo lɔ yɛ n fa ba-a.»

Zeremi 4:8

I ti-ɔ, an `wla bajɛ tralɛ. An `sun, an `man sunlɛ jue'n su, afin é wun ya dan bɔ Anannganman fali'n, ɔ nian wie-mɛn i klun.

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 16:40

Be ´di be wla sran kpanngban, yɛ be ´to wɔ yɛbuɛ, yɛ be ´fa be cua'm be ´wɔ wɔ-ɔ.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Ezekiɛl 28:7

n wa yo man aofuɛ'm be ´jaso ɔ́ wun . Be nga bɔ be like yolɛ yo ya nvle-nvlefuɛ'm be nun'n, be ´saci ɔ ninnge nga a fali ɔ ngwlɛlɛ'n yoli be'n. Be ´fa bé nuan nzue tɛ i ɔ klanman mianmian'n su.

Ezekiɛl 31:12

Aofuɛ wie bɔ be si-man aunnvuɛ'n be kpɛli i bo, yɛ be yacili i lɛ be ɔli. I sama'm be tɔli oka'm be su nin kongo'm be kwlaa be nun. I nnya'm be kpɛkpɛ guali mɛn'n i buebue kanngan'm be nun. Asiɛ'n su sran'm be jasoli i fɔnvɔ'n bo, be wanndili i.

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.