Abakik 1:4 - NYANMIƐN NDƐ'N 1998

⁴ Sran'm be bu-man mmla'n i like fi kun, be di-man ndɛ nanwlɛ kun. Klunwifuɛ'n ɔ tɔ nanwlɛfuɛ'n su. Ɔ man ɔ jɔlɛ nga sran'm be di'n, wie fi ti-man su.

Abakik 1:4 ပူးပေါင်းရင်းမြစ်များ

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

Zɔb I Nyrɛnnɛn Wunlɛ 21:7

?Ɔ yo sɛ ti yɛ sran nga be bu-man Nyanmiɛn like fi'n be nyin tɛ o su nin-ɔn? ?Ɔ yo sɛ ti yɛ be yo kpɛnngbɛn, kpɛkuun be wunmiɛn'n ɔ kɔ i nyrun nin-ɔn?

Jue Mun 11:3

?Kɛ sran'm be nzuɛn kpakpa'n ko saci'n, nguɛ cɛ yɛ be kwla yo i ekun-ɔn?

Jue Mun 119:126

Anannganman, ɔ mmla'n yɛ be ´fɔn i lɛ, nga a ´ko yo'n, yo.

Jue Mun 22:12

Blɛ bɔ nyrɛnnɛn'n ɔ mantan min'n, bɔ sran fi ba-man min ukalɛ'n, nán wanndi min.

Jue Mun 22:16

Min konviabo'n ɔ'a wu kee, min taaman'n ɔ'a mantan min nuan'n klun lɔ kpan. W'a fa min a sie ndia'n i wun koko .

Jue Mun 59:2

Min Nyanmiɛn, de min min kpɔfuɛ'm bé sa nun, sasa min be bɔ be kunndɛ kɛ be yo min like'n be ti.

Jue Mun 59:4

B'a sa min nyrun kɛ be ´kun min. Anannganman, sran kunfuɛ sɔ'm b'a cici min wun ndɛ kusu wuun m'an fɔn-man yɛ m'an yo-man sa.

Jue Mun 94:3

Ee Anannganman, cɛn onin ko nan klunwifuɛ'm b'a yaci able silɛ'n? ?Cɛn onin ko?

Ezipt Lɔ Tulɛ'n 23:2

Sran wie bé bo yo kun be yo sa tɛ. Nán nian kɛ be ti kpanngban ti a se kɛ a su be su yo wie. Sran wie'm be kusu be di ndɛ i wafa b'ɔ ti-man su'n. Nán jran bé sin.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Ezai 5:20

Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Ezai 59:12

Afin Anannganman, a wun e sa tɛtɛ kpanngban bɔ e yo be'n. E sa tɛ sɔ'm be bu e fɔ, sɛ be ti sran'n, wuun n ´se kɛ be mantan e wun. E si e fɔnlɛ bɔ e fɔn'n.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 12:6

Wɔ akpasua sufuɛ mun be yo wɔ atɛ. Wɔ awlofuɛ mun bɔbɔ be yo wɔ atɛ wie. Be wlawla sran mun kɛ be yo wɔ like. Ɔ man sɛ be kan ndɛ fɛfɛ kle wɔ'n, nán fa su.»

Zeremi 26:8

Kɛ Zeremi wieli ndɛ nga Anannganman'n fa wlɛli i nuan kɛ ɔ `kan kle sran'm be kwlaa'n kan cɛ'n, yɛ be trɛli i-ɔ. Be waan: «A wuli yɛ a o lɛ! A wuli yɛ a o lɛ!

Zeremi 8:7

Anunman'n bɔbɔ b'ɔ tu sin'n, ɔ si i bo tulɛ blɛ. Crikoli, nin alialia'n, ɔ nin nannin anunman'n, be kusu be sie lika'n nzɔliɛ, be si be sin salɛ blɛ, sanngɛ min sran'm be si-man min Anannganman min mmla mun.› »

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Ndɛ Nga Nyanmiɛn I Nuan Ijɔfuɛ Oze Kannin'n 10:4

Be yia be ijɔ lelele ngbɛn, be ta ato nda mun, be nin nvle wie'm be tra aenguɛ yɛ be kpɛ anuansɛ'm be ba. Sanngɛ sa ndɛnman su yolɛ'n ɔ'a yo bé sa nun kɛ ijre tɛ wie sa. Kɛ a nian-an, lika weiin ɔ'a fu.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 5:7

Amun yo man sa ng'ɔ ti kpa'n, sran'm be bu i sa tɛ. Be nga be di nanwlɛ'n, amun yi be ase.

Marc 7:9

Ɔ seli ekun kɛ: «An yi Nyanmiɛn mmla'n i blo mlɔnmlɔn, an fa amun lalafuɛ nzuɛn'm be su.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Sa nga bé yôli'n 7:59

Kɛ be ´finfin Etiɛni yɛbuɛ'n, ɔ seli e Min'n kɛ: «Nannan Jésus, wa fa min!»

Rɔmfuɛ Mun 3:31

?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.