Abakik 1:3 - NYANMIƐN NDƐ'N 1998

³ ?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

Abakik 1:3 ပူးပေါင်းရင်းမြစ်များ

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 20:18

Sɛ m'an fin-man min nin klun m'an fite-man'n, wuun i li flunman tra nyrɛnnɛn nga n ´wun i yɛ nin fɛlɛ nga n ´fɛ yɛ'n, ɔ nin nyannzuɛn nga n ´wun i cɛn kwlaa sa'n .

Zeremi 20:8

Ndɛ kwlaa nga n ´kan'n, i agualiɛ su san n ´kpan, san n ´kpan kɛ be ´kun min o! Be `de min o! Anannganman, ɔ ndɛ'n i kanlɛ'n ti min srisrilɛ yɛ be srisri min-ɔn, yɛ min nzowa yɛ be kpɛ i sa cɛn kwlaa-a.

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

2 Piɛr 2:8

Sran kpa sɔ'n b'ɔ tran sran tɛtɛ'm be afiɛn'n, cɛn kwlaa ɔ ti sa tɛtɛ nga be yo'n, yɛ ɔ wun i. Sran kpa b'ɔ ti'n ti, ɔ man i anwlɛn'n kpɛli i klun.