Abakik 1:16 - NYANMIƐN NDƐ'N 1998

¹⁶ Be kun nnɛn be fa sɔ be lala mun. Be yra ansans be man be afin sɛ be ´di aliɛ kpa-a, ɔ fin be.

Abakik 1:16 ပူးပေါင်းရင်းမြစ်များ

Jue Mun 22:29

Afin sielɛ'n ɔ ti i liɛ. I yɛ ɔ sie nvle-nvle'm be kwlaa-a.

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Ezekiɛl 28:3

A bu i kɛ, Daniɛl i ngwlɛlɛ liɛ'n ɔ ju-man ɔ liɛ'n nun, nan like fi ti-man fiawa ɔ nyrun.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Abakik 1:11

Kpɛkuun be sin kɛ aunngban dan kun b'ɔ su sin'n sa. Be sin kɔ lika uflɛ be ko yo sa tɛ ekun, yɛlɛ kɛ be like liɛ bɔ be lafi su'n yɛlɛ be wunmiɛn'n.»

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»