Abakik 1:13 - NYANMIƐN NDƐ'N 1998

¹³ Kusu wɔ bɔ a ti saun'n, a kwla nian-man sa tɛ'n. Sɛ be yo sran wie tɛtɛ'n, a kwla tran-man lɛ a fa-man ɔ nyinma a niɛn-mɛn i sa ngbɛn. ?Yɛ wuun nguɛ ti yɛ a nian sa tɛ yofuɛ sɔ'm be aeliɛ'n, bɔ a tɛ-man be su nin-ɔn? ?Kɛ klunwifuɛ'm be ´tra be bɔ be ti nanwlɛfuɛ mun bɔ be ´nunkun be'n, nguɛ ti yɛ a kan-man ndɛ nin-ɔn?

Abakik 1:13 ပူးပေါင်းရင်းမြစ်များ

2 Samiɛl 4:11

?Yɛ a ´se kɛ sran tɛfuɛ'n bɔ b'a ko wlu sran kpa kun i sua'n nun b'a kun i i bɛ'n su'n, yɛ n su man-man be sran kunlɛ'n i nuan like-ɔ? N ´yo man amun su tran-man mɛn'n nun kun.»

1 Famiɛn Mun 2:32

Anannganman man Nɛr i wa Abnɛr b'ɔ ti Izraɛl sonja'm be su kpɛnngbɛn'n, ɔ nin Zetɛr i wa Amaza b'ɔ ti Zida sonja'm bé su kpɛnngbɛn'n bé wie ndɛ'n ɔ ´kɛ i su. Kɛ ɔ ´kun be'n, min si David ɔ'a wun-man nun. Be ti sran nanwlɛfuɛ mun, yɛ be kpa tra Zoab bɔbɔ lele.

Ɛstɛr 4:14

Sɛ ɔ waan a ko wun-man famiɛn'n wun'n, Zuif'm bé delɛ'n ´fin lika uflɛ ´ba. Be ´fite nun, sanngɛ a nin ɔ́ si i akpasua liɛ'n, amun ´wu. ?I kpa'n, sɛ sa nga ti yɛ man a kacili famiɛn i yi nin a o, e wun i wlɛ sɛ?»

Zɔb I Nyrɛnnɛn Wunlɛ 15:15

Anz mun bɔbɔ Nyanmiɛn lafi-man be su, nyanmiɛn su lɔ lika'n ɔ ti-man saun i nyrun,

Zɔb I Nyrɛnnɛn Wunlɛ 21:7

?Ɔ yo sɛ ti yɛ sran nga be bu-man Nyanmiɛn like fi'n be nyin tɛ o su nin-ɔn? ?Ɔ yo sɛ ti yɛ be yo kpɛnngbɛn, kpɛkuun be wunmiɛn'n ɔ kɔ i nyrun nin-ɔn?

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Jue Mun 10:15

Saci sa tɛ yofuɛ'n i wunmiɛn b'ɔ fa yo like'n. Tu i fɔ i sa tɛ b'ɔ yoli'n ti. Man ɔ tu ɔ nyrun lɛ.

Jue Mun 18:26

Anannganman, sran ng'ɔ ti kpa'n, a nin i be nanti kpa. Sran ng'ɔ yo-man sa'n, ɔ kusu a yo-mɛn i sa.

Jue Mun 25:3

Sran ng'ɔ lafi ɔ su'n, ɔ wun-man nyannzuɛn le. Be bɔ be yi wɔ blo'n, be yɛ be nin nyannzuɛn'n ɔ fata-a, nán be nyan like fi.

Jue Mun 35:17

?Anannganman, a ´tran lɛ a ´nian be sa tititi? Sasa min kɛ ɔ ´yo nan b'a kle-man min yalɛ'n ti. De min asɔmɔli sɔ'm bé sa nun. Nán man be nyan min be kun min.

Jue Mun 35:22

Anannganman, ɔ́ nyin ta nun, nán tran lɛ sa! Mantan min koko.

Jue Mun 35:25

Nán be se bé wun kɛ: «Ɛn Ɛɛn! Y'a nyɛn! Ɔ'a kwla kpinndin-mɛn i wun bɔ ngbɛn.»

Jue Mun 50:21

Sa nga a yoli'n yɛ ɔ o lɛ-ɔ, sanngɛ m'an kan-man ndɛ. A bu i kɛ wuun n ti kɛ wɔ sa. N wa ijɔ wɔ yɛ sa nga a yoli'n b'ɔ ti-man kpa'n, n wa tutu nun weiin-weiin n kle wɔ.

Jue Mun 50:3

E Nyanmiɛn'n su ba, ɔ muɛn-mɛn i nuan. Sin kun b'ɔ yra like kɔlikɔli'n dun mmua i nyrun, aunngban dan kun fita bo sin yiɛ i.

Jue Mun 73:3

Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Jue Mun 83:1

Jue nga ti Azaf liɛ. I waan:

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 24:16

Be to jue asiɛ'n i awieliɛ lɔ, e ti. Be se kɛ: «Man be manman Nyanmiɛn b'ɔ yo sa i nuan su'n.» Sanngɛ n liɛ'n, n se min wun kɛ: «M'an mlin, m'an mlin, nyrɛnnɛn o n su.» Be nga be tu sran'm bé ja'n, be o be junman'n su. Be tu sran'm bé ja! Be di be junman'n.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ngwlɛ Yilɛ 3:36

kɛ be wun nanwlɛ'n jrɛiin bɔ kpɛkuun be di ndɛ kwlɛ'n, ?Kɛlɛ, be bu i kɛ Anannganman o lɔ ɔ wun-mɛn?

Abakik 1:14

?Nguɛ ti yɛ a yo klɔ sran'm be kɛ jue mun nin blo nnɛn mun bɔ be lɛ-man min'n be sa nin-ɔn?

Zakari 8:17

Nán an bu be wiengu wun akunndan tɛ. Nán an ta nda ngbɛn-ngbɛn. Min ciliɛ mun yɛ be o lɛ.» Anannganman b'ɔ sie mɛn wunmuan'n yɛ ɔ kan sɔ-ɔ.

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Mmla'n 23:15

Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.