Abakik 1:12 - NYANMIƐN NDƐ'N 1998

¹² Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Abakik 1:12 ပူးပေါင်းရင်းမြစ်များ

Bo Bolɛ 21:33

Abraam tali tamaris waka kun Beɛr-Seba lɛ nan ɔ'a bo Anannganman b'ɔ ti adudua'n i dunman ɔ'a srɛ i.

2 Famiɛn Mun 19:25

Sankerib, ɔ kpa'n, a si-man kɛ n siesieli sa sɔ mun lalaa ɔ'a cɛ. Nán ndɛ yɛ m'an gugu kɛ be `ju-ɔ. Sa nga n sieli be laa'n, be su ju ndɛkɛn. Min yɛ man a fa klɔ nga be si bé wun talɛ bɔ yɛbuɛ ngunmin yɛ ɔ ka be osu lɛ nin-ɔn.

Jue Mun 102:24

Anannganman yoli man min wunmiɛn'n ɔ kannin ase min gbanflɛn nun. Ɔ kpɛli min nguan nyanman'n su.

Jue Mun 118:17

N su wu-man, n ´ka lɛ, nan Anannganman i junman ng'ɔ dili be'n, n ´kan bé wun ndɛ n ´sin.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 17:13

Anannganman, jaso, bu be nyrun, yi be ase, fa ɔ tokofi'n de min bé sa nun.

Jue Mun 18:1

Jue nga ti David b'ɔ ti Anannganman i sufuɛ'n i liɛ. Ɔ o jue tofuɛ'n be su kpɛn'n i fluwa'm be nun wie. Kɛ Anannganman deli David i kpɔfuɛ'm bé sa nun'n nin Sail i sa nun'n, yɛ ɔ kpɛli jue nga-a. Ɔ fa bo flɛli Anannganman. I waan:

Jue Mun 74:12

Ee Nyanmiɛn min famiɛn, wɔ yɛ kɛ ɔ fin lalafuɛ nun'n, a de sran mun mɛn wunmuan'n nun nin-ɔn.

Jue Mun 90:1

Moiz b'ɔ ti Nyanmiɛn sunmanfuɛ'n i srɛlɛ b'ɔ srɛli'n. I waan: Min Min, kɛ ɔ fɛ i e nannan'm be blɛ su lele b'ɔ ´ju e blɛ liɛ'n su yɛ'n, a yoli e fiawlɛ tititi.

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Jue Mun 93:2

Anannganman, nán ndɛ sa yɛ ɔ famiɛn bia'n ti takawa-a. A o lɛ titi.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 37:26

Sankerib ɔ kpa'n, a si-man kɛ n siesieli sa sɔ mun lalaa ɔ'a cɛ. Nán ndɛ yɛ m'an gugu kɛ be `ju-ɔ. Sa nga n sieli be laa'n, be su ju ndɛkɛn. Min yɛ man a fali klɔ nga be si bé wun talɛ bɔ yɛbuɛ ngunmin yɛ ɔ ka be osu lɛ nin-ɔn.

Ezai 40:28

?Amun si-man sɔ? ?B'a kan kle-man amun? Anannganman Nyanmiɛn b'ɔ ti adudua'n yɛ ɔ yili asiɛ'n kɛ ɔ fɛ i bue kun su lele fa ju i bue kun su lɔ nin-ɔn. I wunmiɛn'n wie-man, ɔ fɛ-man. Be kwla wun-mɛn i ngwlɛlɛ'n i bo.

Ezai 43:15

N ti Anannganman amun Nyanmiɛn, min nzuɛn nin klɔ sran liɛ'n ti-man kun min yɛ n yili Izraɛlfuɛ mun-ɔn, n ti amun famiɛn.»

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Zeremi 5:18

Sanngɛ Anannganman waan: ‹I blɛ sɔ'n nun bɔbɔ'n, n su nunnun-man amun ngba.›

Ngwlɛ Yilɛ 5:19

Anannganman, ɔ liɛ kɛ a o lɛ'n, a ti famiɛn manndimaan. Ɔ famiɛn bia'n, kɛ a ti su lɛ'n yɛ a ti-ɔ.

Ezekiɛl 30:25

M ´man Babilɔni famiɛn'n i fanngan, sanngɛ Ezipt famiɛn'n i sa'm be glɔ i wun. Kɛ n ko fa min tokofi'n n ko wlɛ i Babilɔni famiɛn'n i sa nun b'ɔ ko fa ko tinndin Ezipt mɛn'n i wun'n, yɛ sran'm be wa si jrɛiin kɛ min yɛ n ti Anannganman nin-ɔn.

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Abakik 3:6

Kɛ ɔ jran'n, asiɛ'n keje, kɛ ɔ nian mɛnfuɛ mun'n, kpɛkuun be bo bli srɛ b'ɔ kun be'n ti. Oka'm bɔ be ti be liɛ kɛ yɛbuɛ sa'n, be nun kpacikpaci, kpɔlɛ nga be o lɛ-ɔ nán ndɛ sa'n, be trotro, be yɛ be ti atin b'ɔ sin su laa nin-ɔn.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Malasi 3:6

«N ti Anannganman n kaci-man, i sɔ'n ti amun bɔ an ti Zakɔb i mma mun,

Sa nga bé yôli'n 3:14

Nyanmiɛn i Sran'n, sran Nanwlɛfuɛ'n sɔ'n, an yili i blo. An kpatali sran kunfuɛ'n i ti kɛ be yaci i nun man amun.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

Sa nglô yile 1:11

Ɔ seli kɛ: «Like nga a wun be'n, klɛ be fluwa kun nun, fa ko man asɔnun nso bɔ be o Efɛz, nin Smirni, nin Pɛrgam, nin Tiatir, nin Sard, nin Filadɛlfi, nin Laodise'n.

Sa nglô yile 1:8

Anannganman Nyanmiɛn b'ɔ kwla like kwlaa yo'n, b'ɔ o lɛ, b'ɔ o lɛ lalaa'n, b'ɔ ´ka lɛ'n, i waan: «N ti Alfa nin Omega .»

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.