Abakik 1:10 - NYANMIƐN NDƐ'N 1998

¹⁰ Be bu-man famiɛn'm be like fi. Be to siefuɛ'm be mma. Klɔ nga be si bé wun'n, be fata-man be like fi. A ´nian-an, b'a gua fa, b'a fu su b'a fa klɔ sɔ mun.

Abakik 1:10 ပူးပေါင်းရင်းမြစ်များ

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

2 Be Nyoliɛ 36:10

I afuɛ nuan b'ɔ ´yia ekun'n, Nɛbikadnɛzar man be fɛ ɔli Babilɔni. Be fali Nyanmiɛn i sua'n nun ninnge kpakpa mun ɔli wie. Ɔ fali Zozakin niaan Sedesias sieli Zidafuɛ mun nin Zerizalɛmfuɛ'm be famiɛn.

2 Be Nyoliɛ 36:6

Nɛbikadnɛzar b'ɔ ti Babilɔni famiɛn'n wa fali Zozakim i mɛn'n. Ɔ cili i klɛnnɛnklɛnnɛn ɔ nin aaba bɔ be yoli i tianman-tianman kɛ nyanman sa'n, yɛ ɔ fɛ i ɔli Babilɔni.

Ezai 10:9

?Sa kunngba nga e fa yoli Kalne'n, nɛ́n i kunngba'n yɛ e fa yoli Karkemis-ɔ? ?Nga e fa yoli Amat'n, nɛ́n i yɛ e fa yoli Arpad-ɔ? ?Nán sa kunngba'n yɛ e fa yoli Samari nin Damas-ɔ?

Ezai 14:16

Be nga be wun wɔ'n, be nian wɔ kpa siin, kɛ be wun wɔ'n, be nian wɔ lelele, be tu-man be nyin. Yɛ be usa kɛ: «?Sakpa, sran ng'ɔ yo bɔ asiɛ'n keje'n, b'ɔ yo man famiɛn diwlɛ'm bé nyin utu ase'n, yɛ ɔ o yɛ?

Ezai 37:13

Bu sa ng'ɔ juli Amat famiɛn'n, nin Arpad, nin Sɛfarvaim, nin Ena, ɔ nin Iva famiɛn'm bé su i akunndan.»

Zeremi 30:5

I waan: «Awlaboɛ nganniɛn tɛ, srɛ kun sran sɔ nga be kpan'n. Bé wla ti-man ase guawa.

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 33:4

Min Anannganman bɔ n ti Izraɛl Nyanmiɛn'n, ndɛ nga n kan'n yɛ. Klɔ nga nun sua mun nin Zida famiɛn'n i sua nga be nin Babilɔnifuɛ mun be ´ko kun alɛ bɔ fuɛn'm be ´yi be'n, bé wun ndɛ yɛ n wa kan kle wɔ-ɔ. N ´fa ya n ´kun sran mun be ´yi sua sɔ mun. Klɔ nga sufuɛ'm be aeliɛ tɛtɛ'n ti n su nian-man be nyrun.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Ezekiɛl 26:8

Ɔ ´nunnun klɔ nga be mantan jenvie nuan lɛ'n. I sin i sonja'm be ´fu kunman bɔ be fia be nun be kun alɛ'n, be ´yo asiɛ klunndunngluun bɔ be fu jran su'n yɛ be ´yo nyrɛn kɛ talɛ sa.

Sofoni 1:8

«Mín tɛ yilɛ cɛn sɔ nun'n, i kpɛnngbɛn mun o, i famiɛn awlo lɔ sran dandan mun o, n ´tu be fɔ. Be kwlaa nga be fa nvle uflɛ'm be nzuɛn'n, n ´tu be fɔ .