2 Timote 4:8 - NYANMIƐN NDƐ'N 1998

⁸ Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Nyanmien nde Ufle

⁸ Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

2 Timote 4:8 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Jue Mun 31:19

Nán man atofuɛ'm be nyan nuan be ijɔ kun, afin be ti wun tufuɛ. Sran'm bé wun yo be tɛ, yɛ be ijɔ tɛtɛ kle sran kpa mun.

Jue Mun 7:11

Nyanmiɛn ɔ sasa min kɛ nyrɛn sa, ɔ de sran kpa mun.

Nyanndra Mun 4:9

Ɔ ´man ɔ kɔmin su. Ɔ ´yo kɛ sika kle yɛ b'a fa wla ɔ́ ti sa.»

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Matthieu 24:36

«Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Matthieu 7:22

Jɔlɛ dilɛ cɛn nun'n, sran kpanngban kpa be wa usa n kɛ: ‹?Nannan, Nannan, ɔ dunman nun y'a kan-man Nyanmiɛn ndɛ? ?Ɔ dunman nun y'a fuan-man asiɛ usu? ?Yɛ ɔ dunman nun y'a yo-man sa kekleekle mun?›

JÉSUS-CHRIST I DYASIN FE'N BO LUC KLELI'N 10:12

Nanwlɛ, jɔlɛ dilɛ cɛn'n nun, Sodɔm i nyrɛnnɛn liɛ'n, ɔ ´yo sɔsɔ tra klɔ sɔ'n i liɛ'n .»

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 8:23

Nán be ngunmin-ɔn, sanngɛ e bɔ Nyanmiɛn fɛ i Wawɛ'n b'ɔ ti like b'ɔ ´fa man ye'n i nun klikli'n, e kusu e oto, yɛ e minndɛ cɛn nga be ´wun kɛ e ti Nyanmiɛn wa sakpa'n, b'ɔ ´de ye b'ɔ ´kaci e wunnɛn nga'n .

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

1 Korɛntfuɛ Mun 3:13

like nga sran kun yoli'n be wa wun i. Afin jɔlɛ dilɛ cɛn'n nun'n, sin'n man ɔ ´fite nglo, yɛ like nga sran kun yoli'n be ´fa sin gua su nian.

1 Korɛntfuɛ Mun 9:25

Be kwlaa nga be si ngowa kanlɛ'n i akplowa'n, sɛ wanndilɛ o, sɛ ngondin tulɛ o, be kwlaa sɔ'n sɛ be klo kɛ be ´nyɛn i'n, be nian bé wun su kpa like'n kwlaa nun. Be yo i sɔ kunndɛ be dunman, sanngɛ dunman sɔ'n cɛ-man. Sanngɛ e liɛ'n, e yo i sɔ e kunndɛ dunman b'ɔ wie-man'n.

2 Korɛntfuɛ Mun 5:2

Olɛ nga e o yɛ'n, e oto, afin é wla lo e nyanmiɛn su lɔ tranwlɛ'n b'ɔ wa yo kɛ kondro bɔ be fa kla kun su'n sa.

Filipfuɛ Mun 3:11

nan n `lafi su kɛ n kusu n ´cɛn wie.

Kolɔsfuɛ Mun 1:5

Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

1 Tɛsalonikfuɛ Mun 1:10

kɛ amun ´minndɛ i Wa b'ɔ cɛnnin i'n, b'ɔ ´fin nyanmiɛn su lɔ ba'n, yɛlɛ Jésus b'ɔ de e Nyanmiɛn i ya b'ɔ wa jao'n nun'n.

1 Tɛsalonikfuɛ Mun 5:4

Sanngɛ amun liɛ'n, aniaan mun, an ti-man kɛ sran b'ɔ o aosin nun'n sa, i sɔ'n ti, nán man cɛn sɔ'n fu amun nun kɛ awiefuɛ'n fu sran nun'n sa.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

1 Timote 6:19

Sɛ be yo sɔ'n, wuun bɛtrɔ kpa kun b'ɔ saci-man'n yɛ b'a kpɛ b'a sie-ɔ, yɛ be ´nyan nguan sakpa.

2 Timote 1:10

E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:18

Man e Min'n wun i aunnvuɛ e Min'n i wun lɔ jɔlɛ dilɛ cɛn sɔ'n nun, afin a si n lika ng'ɔ fa niannin min Efɛz lɔ'n kpa.

2 Timote 2:5

Sran ng'ɔ wanndi'n, sɛ ɔ'a wanndi-man kɛ be kleli i'n sa'n, ɔ nyan-man wanndilɛ sɔ'n nun like.

2 Timote 4:1

Ndɛ nga n wa kan kle wɔ yɛ'n, Nyanmiɛn nin Krist-Jésus b'ɔ wa di be nga be wuli'n nin be nga bé nyin o su'n be ndɛ'n, be ti n lalofuɛ. I balɛ b'ɔ wa ba'n nin i famiɛn b'ɔ wa di'n ti, n ´srɛ wɔ kpa,

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 12:11

Nanwlɛ, fɔ tulɛ'n kwlaa, kɛ be ´tu ye'n, i klikli'n nun ɔ yo e ya, ɔ yo-man e fɛ, sanngɛ be nga be fa su bɔ be kaci'n, ɔ man be yo kpa, yɛ be di alaje.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 22:20

Sran ng'ɔ seli kɛ sa sɔ'n ɔ ´yo sɔ'n, ɔ se kɛ: «Nanwlɛ, m ´ba icra'n.» Man ɔ yo sɔ! E min Jésus, bla!

Sa nglô yile 4:10

wuun kpɛnngbɛn ablaɔn-nin-nnan'm be kusu be koto sran ng'ɔ ti bia'n su sɔ'n i bo, wuun be manman sran sɔ'n b'ɔ o lɛ titi'n. Kɛ be ´tu be sika kle'n be ´to gua bia'n i wun lɛ'n, be se kɛ:

Sa nglô yile 4:4

Bia ablaɔn-nin-nnan ekun be sin yia bia kun sɔ'n, kpɛnngbɛn ablaɔn-nin-nnan be titi bia sɔ'm bé su tralɛ ufue o bé wun yɛ sika kle o bé ti.