2 Timote 4:5 - NYANMIƐN NDƐ'N 1998

⁵ Sanngɛ ɔ liɛ'n, nian ɔ wun su sa'n kwlaa nun, yalɛ nga be kle wɔ'n, man ɔ sɔn ɔ nun, jasin fɛ i kanlɛ b'ɔ ti ɔ junman'n, di. Junman nga Nyanmiɛn fa wlali ɔ́ sa nun'n, guɛguɛ i bo.

Nyanmien nde Ufle

⁵ Sannge o lie'n, nion o wun su sa'n kwlaa nun, yale nga bé klé wo'n, mon o son o nun, dyasin fe i kanle b'o ti o dyunman'n di, dyunman nga Nyanmien fa wlo o sa nun'n guegue i bô.

2 Timote 4:5 ပူးပေါင်းရင်းမြစ်များ

Ezai 62:6

Zerizalɛm, n fali be bɔ be kpla klɔ'n be wie sieli ɔ talɛ'n su. Kɔnguɛ nin wia su be su muan-man bé nuan. Amun nga amun yo bɔ Anannganman i wla kpɛn Zerizalɛm su'n, nán amun de wunmiɛn.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Ezekiɛl 3:17

«Klɔ sran, n ´fa wɔ n sie Izraɛl nvle'n su kɛ gladi difuɛ sa. Tie ndɛ nga n kan kle wɔ'n, bo su kle Izraɛlfuɛ mun .

Ezekiɛl 33:2

«Klɔ sran, kan ndɛ kle ɔ nvlefuɛ mun. Se be kɛ: ‹Sɛ n fa alɛ n yi mɛn kun su'n, mɛn sɔ'n i nun sran'm be ´kpa be nun sran kun b'ɔ ti be gladi difuɛ.

Ezekiɛl 33:7

Klɔ sran, wɔ yɛ n sieli wɔ kɛ gladi difuɛ sa Izraɛlfuɛ'm be jɔ bolɛ'n ti. Sie ɔ́ su nan tie min ndɛ nan bo sa nga be wa ju'n be jɔ kle Izraɛlfuɛ mun.

Matthieu 25:16

Kɛ ɔ yoli sɔ'n, nga be mɛnnin i talan nnun'n, ɔ fa ko dili aata nan ɔ'a nyan su nnun.

Marc 13:34

Ɔ ´yo kɛ sran kun b'ɔ su kɔ lika'n sa, ɔ tu i bo i awlo'n nun, ɔ fɛ i ninnge'n kwlaa wlɛ i i sran'm bé sa nun, ɔ man be kwlaa be junman, yɛ ɔ se anuan sunianfuɛ'n kɛ ɔ nian su kpa.

Marc 13:37

Ndɛ nga n ´kan kle amun yɛ'n, n kan kle sran'm be kwlaa kɛ be tran minndɛ.»

JÉSUS-CHRIST I DYASIN FE'N BO LUC KLELI'N 12:37

Be nga kɛ be min'n ´ba'n bé nyin o i sin'n, be liɛ su ti ye! An `nian nga b'ɔ ´yo'n yɛ: ɔ ´fɛ i tannin'n kpɛ i bo, ɔ man be ´tran ase, yɛ i bɔbɔ ɔ ´isa aliɛ nga be wa di'n man be-ɔ.

Sa nga bé yôli'n 21:8

Kɛ aliɛ cɛnnin'n, e juli Sezare, e ko sikeli Filip b'ɔ ti jasin fɛ bofuɛ'n i awlo lɔ, ɔ ti sran nso bɔ be sieli be Zerizalɛm lɔ'n be nun kun.

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Efɛzfuɛ Mun 4:12

Kɛ ɔ ko yo nan i sran'm b'a yo kpa nan b'a di i junman'n nan Krist i wunnɛn'n ɔ'a yo kpa'n ti yɛ man be nun kunngun be junman'n ti wafa-wafa sɔ nin-ɔn.

Kolɔsfuɛ Mun 1:25

Nyanmiɛn fa min sieli Asɔnun i junman difuɛ nan n `kɛn i ndɛ'n kwlakwla kle amun.

Kolɔsfuɛ Mun 4:17

An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

1 Tɛsalonikfuɛ Mun 5:6

I sɔ'n ti, nán man e lafi kɛ sran wie'm be liɛ'n sa, sanngɛ man e nian é wun su e tran minndɛ i.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

1 Timote 4:15

Mian ɔ́ nyin yo ninnge sɔ mun, man be yolɛ'n lo wɔ kpa nan sran'n kwlaa be `wun kɛ a su yo kpa tra laa'n.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

2 Timote 2:3

Nyrɛnnɛn nga e wun i'n, Krist-Jésus i sonja kpa bɔ a ti'n ti man ɔ sɔn ɔ nun.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

Sa nglô yile 3:2

An `tinnge nan an `wla be nga be ka lɛ bɔ be su wa wu'n be fanngan. Afin n wun kɛ sa nga an yo'n, min Nyanmiɛn i nyrun an nian guɛguɛ-mɛn i wie fi bo.