2 Timote 4:4 - NYANMIƐN NDƐ'N 1998

⁴ Be su sie-man bé su nanwlɛ'n su kun, be ´sie bé su ndɛ nga be ti kɛ ngua sa'm be su.

Nyanmien nde Ufle

⁴ Bé su sié'a bé su nanwle'n su kun, béh siéh bé su nde nga bé ti ke ngôwa sa'n bé su.

2 Timote 4:4 ပူးပေါင်းရင်းမြစ်များ

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Ezai 30:10

Be se jeliwafuɛ'm be kɛ: «Amún ti nun ase wunlɛ'n ti ngbɛn.» Be kan kle be nga be wun aolia nun sa'm be kɛ: «Nán amun kan sa nanwlɛ bɔ amun wun be'n kle ye. Amun `kan ato ndɛ mun kle ye. Amun kan ndɛ b'ɔ yo be su nun nɛnkɛn-nɛnkɛn'n.

Zakari 7:11

Sanngɛ b'a sie-man be su, be yoli nyin kekle.

Matthieu 13:15

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma a wun-mɛn i, bé su a ti-man, b'a wun-mɛn i wlɛ, yɛ b'a sa-man bé sin min wun nan m'an yo-man be juejue .›

Sa nga bé yôli'n 7:57

I sɔ'n ti'n, be tannin bé su'n be kpannin kekle kpa, yɛ be kwlaa be tɔli i su

2 Tɛsalonikfuɛ Mun 2:11

I sɔ'n ti, Nyanmiɛn fa sa ng'ɔ ti-man nanwlɛ'n kle be lele ɔ man be lafi ato'n su

1 Timote 1:4

yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 4:7

Sanngɛ nán fa ndɛ b'ɔ ti-man Nyanmiɛn liɛ b'ɔ ti kɛ bla oke ndɛ sa'm bé su. Mian ɔ́ nyin mantan Nyanmiɛn kpa.

1 Timote 6:20

Timote, n sran kpa, fa sa nga be kan kleli wɔ'n su kpa. Ndɛ ngbɛn-ngbɛn b'ɔ nin Nyanmiɛn ndɛ'n ti-man kun'n, nin akplowa nga be bɔ be bu bé wun kɛ be si sa'n be si'n, nán sie ɔ su bé su.

2 Timote 1:15

A si kɛ be kwlaa nga be wo Azi mɛn'n nun lɔ'n b'a wanndi min, be wie yɛlɛ Fizɛl nin Ɛrmozɛni.

Tite 1:14

nan b'a lafi-man Zuif'm be ndɛ b'ɔ ti kɛ ngua sa'n su, yɛ man be lafi i su kpa nan b'a yo-man sa nga sran nga b'a yaci ndɛ nanwlɛ'n be se be kɛ be yo'n ti.

Hébreu 13:25

N yra ń nuan kɛ amun kwlaa an nyan ye!

2 Piɛr 1:16

Nanwlɛ, kɛ e ´kan e Min Jésus-Krist i balɛ'n, nin i kwlalɛ b'ɔ kwla'n i ndɛ kle amun'n, ɔ ti-man kɛ ngua bɔ be fa bé ti nun ngwlɛlɛ fa di'n, yɛ e di kleli amun-ɔn. Sanngɛ e bɔbɔ e wunnin i nyrun ng'ɔ lɛ i'n nin e nyinma.