2 Timote 4:3 - NYANMIƐN NDƐ'N 1998

³ Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

Nyanmien nde Ufle

³ Afin tyen wié swran'm bé su fa'a nde nanwle'n su kun, béh yôh sa ng'o yô bé bobo bé fe'n, ye béh kunndeh swran kpanngban kpa ke bé klé bé liké ng'o yô bé fe'n.

2 Timote 4:3 ပူးပေါင်းရင်းမြစ်များ

1 Famiɛn Mun 18:22

Eli seli be kɛ: «N kunngba yɛ m'an ka Nyanmiɛn i nuan ijɔfuɛ-ɔ, yɛ sanngɛ Baal i nuan ijɔfuɛ'm be ti ya-nnan-ablenun.

1 Famiɛn Mun 22:18

Izraɛl famiɛn'n seli Zozafat kɛ: «M'an se-man wɔ! I ndɛ liɛ ng'ɔ kan be min wun'n, i wie fi ti-man kpa! I kwlaa ti tɛtɛ kpan.»

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

Ezipt Lɔ Tulɛ'n 32:33

Anannganman tɛli i su kɛ: «Sran ng'ɔ fɔnnin min wun'n yɛ n ´nunnun i dunman min fluwa'n nun-ɔn.

Ezai 28:12

Anannganman dun mmua seli be kɛ: «Wa liɛ'n, amun wa de wunmiɛn, amun `yaci be nga b'a fɛ'n be lɛ man be de wunmiɛn. Wa lika'n ti fɔuun.» Sanngɛ b'a kplin-man su kɛ be ´ti ndɛ sɔ'n.

Ezai 30:10

Be se jeliwafuɛ'm be kɛ: «Amún ti nun ase wunlɛ'n ti ngbɛn.» Be kan kle be nga be wun aolia nun sa'm be kɛ: «Nán amun kan sa nanwlɛ bɔ amun wun be'n kle ye. Amun `kan ato ndɛ mun kle ye. Amun kan ndɛ b'ɔ yo be su nun nɛnkɛn-nɛnkɛn'n.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 27:9

Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 29:8

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nán amun tran lɛ man be nga be tɔn bé wun suɛn kɛ be ti Nyanmiɛn nuan ijɔfuɛ nga be nin amun o lɔ'n, ɔ nin be nga be yi wunnzue'n be `lakalaka amun. Laliɛ nga amun cɛn be'n, nán an fa yo nanndoliɛ like.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

JÉSUS-CHRIST I DYASIN FE'N BO LUC KLELI'N 20:19

Kɛ Nyanmiɛn nyrun jranfuɛ dandan mun nin mmla klefuɛ mun be wunnin kɛ be ti yɛ ɔ buli nyanndra sɔ'n, be waan be ´trɛ i lɛ, sanngɛ srɛ kunnin be sran'm bé wun.

JÉSUS-CHRIST I DYASIN FE'N BO LUC KLELI'N 6:26

Kɛ sran'm be kwlaa be ´bo amun dunman kpa'n, an yako, afin kɛ be nannan'm be boli be bɔ be tɔn bé wun suɛn kɛ be ti Nyanmiɛn nuan ijɔfuɛ'n be dunman sɔ-ɔ!»

Jean 8:45

N liɛ'n, kɛ n di nanwlɛ n kle amun'n ti, an lafi-man n su.

Sa nga bé yôli'n 17:21

Yɛlɛ kɛ Atɛnifuɛ'm be nin aofuɛ bɔ be tran lɛ'n, be yo-man like fi san ndɛ nga b'a ju su'n be tielɛ nin be kanlɛ.

1 Korɛntfuɛ Mun 2:1

Aniaan mun, i nun'n bɔ n ɔli amun wun lɔ'n, nán kɛ ijɔlɛ bɔ n si ijɔ annzɛ ngwlɛlɛ bɔ n si i ti yɛ n kannin sa nga Nyanmiɛn fiɛli i sran'm be nyrun'n kleli amun-ɔn.

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

Galasifuɛ Mun 4:16

?Ndɛ nanwlɛ nga n kan kleli amun'n ti'n, m'an kaci amun kpɔfuɛ?

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»